ក្រុមហ៊ុន Universal ចង់ឲ្យ Angelina Jolie ដើរជាបិសាចក្នុងខ្សែភាពយន្តថ្មី

2015-11-25 21:04:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតភាពយន្តហូលីវូដ Universal សង្ឃឹមថានឹងអាចបញ្ចុះបញ្ចូល Angelina Jolie ឲ្យដើរតួក្នុងខ្សែភាពយន្តបែបរន្ធត់ថ្មីមានចំណងជើងថា Bride of Frankenstein បាន។

កាលពីថ្មីៗនេះ Angelina ទើបតែបានដឹកនាំខ្សែភាពយន្ត "By the Sea” ឲ្យក្រុមហ៊ុន Universal ដែលការថតខ្សែភាពយន្តនេះទទួលបានការជួយទំនុកបម្រុងយ៉ាងច្រើនពីសំណាក់ក្រុមហ៊ុនផ្ទាល់។ តាមរយៈការជួយទំនុកបម្រុងគេសង្ឃឹមថាតារាស្រីរូបនេះនឹងអាចមើលឃើញចំណុចនេះ ហើយព្រមទទួលយកតំណែងជាតួឯកក្នុងខ្សែភាពយន្តដែលក្រុមហ៊ុនបានគ្រោងទុក។

គួរបញ្ជាក់ថាខ្សែភាពយន្ត Bride of Frankenstein គឺជាការផលិតឡើងវិញពីខ្សែភាពយន្តចាស់ចេញកាលពីឆ្នាំ១៩៣៥ ដែលពេលនោះអ្នកស្រី Elsa Lanchester ជាតួឯកស្រី និងលោក Boris Karloff ជាតួឯកប្រុស។ ប្រសិនបើតារាសម្ដែងវ័យ៤០ឆ្នាំរូបនេះមិនចាប់អារម្មណ៍លើតួអង្គបែបរន្ធត់នេះ ក្រុមហ៊ុន Universal នឹងធ្វើការបញ្ចុះបញ្ចូលនាងឲ្យដើរតួក្នុងខ្សែភាពយន្តផ្សេងជំនួសវិញ។

តារាសម្ដែងស្រី Angelina នៅតែជាតួអង្គដ៏មានឥទ្ធិពលក្នុងក្រសែភ្នែកទស្សនិកជន ជាក់ស្ដែងដូចជាវត្តមានរបស់នាងក្នុងខ្សែភាពយន្ត Maleficent ចេញផ្សាយកាលពីឆ្នាំ២០១៤កន្លងទៅនេះអាចអូសទាញទស្សនិកជនបានយ៉ាងច្រើនលើសលប់ដោយរកចំណូលបាន៧៥៨លានដុល្លារទូទាំងពិភពលោក៕

ចុចអាន៖ ភាពយន្តថ្មីរបស់ Angelina Jolie ផ្ដល់ការងារឲ្យដល់ប្រជាជនខ្មែររាប់ពាន់នាក់

ប្រែសម្រួល៖ ហៃ សុខហេង ប្រភព៖ TheGaurdian