Dongho បង្ហើបប្រាប់ថា ចង់រៀបការបែបឯកជននិងស្ងប់ស្ងាត់
- 2015-11-25 21:15:19
- ចំនួនមតិ 0 | ចំនួនចែករំលែក 0
Dongho បង្ហើបប្រាប់ថា ចង់រៀបការបែបឯកជននិងស្ងប់ស្ងាត់
ចន្លោះមិនឃើញ
Donghoអតីតសមាជិកក្រុម U-KISS និងអនាគតភរិយាដែលមិនបង្ហាញអត្តសញ្ញាណមានបំណងចង់រៀបចំអាពាហ៍ពិពាហ៍បែបធម្មតាស្ងប់ស្ងាត់ ស្របពេលថ្ងៃចូលរោងការជិតមកដល់។
បើតាមក្រុមហ៊ុនរៀបចំអាពាហ៍ពិពាហ៍ iWedding បានឲ្យដឹងថា៖"មង្គលការរបស់តារាវ័យ២១ឆ្នាំនិងកូនក្រមុំដែលមានអាយុប្អូនគេ១ឆ្នាំនិងប្រារព្ធឡើងនៅសាលអាពាហ៍ពិពាហ៍ Patio9 ដែលមានទីតាំងនៅតំបន់ Gangnam ក្នុងទីក្រុងសេអ៊ូល។
នៅថ្ងៃទី២៥ ខែ វិច្ឆិកានេះ អ្នកតំណាងឲ្យ Dongho បានចេញបញ្ជាក់ឲ្យដឹងថា៖ "កូនក្រមុំនិងកូនកំលោះវ័យក្មេងទាំងពីរចង់រៀបចំមង្គលការស្ងប់ស្ងាត់។ ពួកគេគ្មានគម្រោងបើកសន្និសីទកាសែត និងបំភ្លឺជាមួយសារព័ត៌មានអ្វីនោះទេ"។
មង្គលការ Donghoនៅសល់តែ៣ថ្ងៃទៀតទេនឹងឈានចូលមកដល់ ពោលឡើងនៅថ្ងៃទី ២៨ ខែ វិច្ឆិកា ឆ្នាំ ២០១៥ ដែលមានតារាកំប្លែង Byun Ki Soo ជាពិធីករហើយKyuhyun ក្រុម Super Junior និង McKay Kim ជាអ្នកច្រៀងអបអរក្នុងមង្គលការ៕
ចុចអាន៖Dong Ho បង្ហាញប្រពន្ធក្មេងស្អាតក្នុងរូបមង្គលការ
ប្រែសម្រួល៖ ហេង សុធារិទ្ធិ
ប្រភព៖ soompi