ទៅញ៉ាំអាហារពិចនិកលំហែនៅខាងក្រៅ ព្រលឹងចុងសក់មិននឹកស្មានថាក្រពាមកចូលរួមដែរ

2015-11-26 16:52:38
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតសាកលវិទ្យាល័យពីរនាក់បានភ្ញាក់ផ្អើលទាំងព្រលឹងចុងសក់ ពេលទៅញ៉ាំអាហារពិចនិកលំហែអារម្មណ៍នៅខាងក្រៅ ក្រោយប្រទះនឹងសត្វក្រពាវារមកចូលរួមដែរ។

តាមសារព័ត៌មាន NBC News និស្សិតប្រុស Michael Tamayo មកពីសាកលវិទ្យាល័យ Florida សហរដ្ឋអាមេរិក បានទៅញ៉ាំអាហារថ្ងៃត្រង់ពិចនិករបស់គាត់ជាមួយនឹងមិត្តភ័ក្ដិនិស្សិតម្នាក់ទៀតនៅមាត់បឹង Alice ក្នុងទីក្រុង Gainesville រដ្ឋ Florida។ កំពុងតែរៀបចំកន្លែងគួរសម និងស្រាយកញ្ចប់យកអាហារពិចនិកបម្រុងមកញ៉ាំ ភ្លាមនោះស្រាប់តែនិស្សិតទាំងពីរនាក់ពើបប្រទះនឹងសត្វក្រពាមួយក្បាលនៅក្បែរពួកគេតែម្ដង។

ក្រោយពីមើលទៅសត្វក្រពា ដោយស្រឡាំងកាំង រំពេចនោះក្រពាបានត្របាក់យកនំសាំងវ៉ិចរបស់ពួកគេរួចស៊ីភ្លាមៗ។ ឃើញហេតុការណ៍បែបនេះនិស្សិតម្នាក់ក៏បានទាញយកទូរសព្ទមកថតសកម្មភាពសត្វក្រពានោះ។ និស្សិតMichael បានប្រាប់ទៅសារព័ត៌មាន NBC News ថាសត្វក្រពាដែលគាត់បានជួបនោះគឺប្រហែលប្រវែង៤ហ្វ៊ីតថ៍ (១,២១ម៉ែត្រ) ។ គាត់បានបន្តទៀតថាគាត់មិនធ្លាប់បានប្រទះនឹងសត្វក្រពានៅទីនោះពីមុនឡើយ។