Juventus ស៊ី មេឃខៀវ១គ្រាប់ ឈរកំពូលតារាង ឯ Real, Paris ឈ្នះ Man Utd ស្មើ
- 2015-11-26 17:56:57
- ចំនួនមតិ 0 | ចំនួនចែករំលែក 0
Juventus ស៊ី មេឃខៀវ១គ្រាប់ ឈរកំពូលតារាង ឯ Real, Paris ឈ្នះ Man Utd ស្មើ
ចន្លោះមិនឃើញ
ក្រុមម្ចាស់ផ្ទះ សេះបង្កង់ Juventus បានស៊ុត ក្រុមភ្ញៀវ មេឃខៀវ Man City ចូលមួយគ្រាប់ក្នុងការប្រកួត UEFA Champions League កាលពីយប់មិញនៅកីឡដ្ឋានJuventus Stadium ធ្វើឲ្យ Juventus ឈរនៅកំពូលតារាងក្នុងពូលD ។
១គ្រាប់របស់ ក្រុមខ្លាំងអ៊ីតាលី Juventus រកបានដោយកីឡាករ M.Mandzukic នៅនាទីទី ១៨។ ចំណែកក្រុមភ្ញៀវ Manchester City ចាញ់ ហើយទទួលបានកាតលឿងពិន័យលើកីឡាករបីរូប គឺ កីឡាករ Fernandinho កីឡាករ Jesús Navas និងកីឡាករ B.Sagna ។
ងាកមកមើល១គូទៀតក្នុងពូល A នៃការប្រកួត UEFA Champions League ដដែល ក្រុមបារាំង Paris St G បានលត់ ក្រុម Malmö FF យ៉ាងចាស់ដៃក្នុងលទ្ធផល ៥-០។ ត្រឹមនាទីទី៣ ក្រុម Paris St G ស៊ុតចូល Malmö FF ១គ្រាប់ ដោយកីឡាករ A.Rabiot នាទីទី១៤ ស៊ុតដោយកីឡាករ Ã.Di María នាទីទី៤៩ ដោយ Z.Ibrahimovic នាទីទី៦៩ ដោយ Ã.Di María និងនាទីទី៨២ ដោយកីឡាករ Lucas Moura ។
បន្តចាប់អារម្មណ៍ក្នុងពូល A ដដែល ក្រុមស្ដេចស Real បានយកឈ្នះក្រុម Shakt Donsk ក្នុងលទ្ធផល ៤-៣។ ៤គ្រាប់របស់ Real គឺធ្វើបានដោយ dos Santos Aveiro នាទីទី១៨ Modric នាទីទី៥០ Carvajal (កាតលឿង) នាទីទី៥២ និងនាទីទី ៧០ ដោយ dos Santos Aveiro មួយគ្រាប់ទៀត។ ឯក្រុម Shakt Donsk បាន៣គ្រាប់ ដោយកីឡាករ Teixeira កីឡាករ Ferreira Bonfim និង Teixeira ដដែល។
មកមើល១គូនៅឯពូល B ឯណេះវិញ ក្រុមបិសាចក្រហម Manchester United ជាលទ្ធផលស្មើជាមួយក្រុម PSV Eindhoven ក្នុងការប្រកួតពេញម៉ោង ៩០នាទី បូក៤៕
ប្រែសម្រួល៖ មាន រតនា ប្រភព៖ BBC