Fabregas៖ “Neymar នឹងក្លាយជាកីឡាករកំពូល ពេល Messi ចូលនិវត្តន៍”
- 2015-11-27 22:04:17
- ចំនួនមតិ 0 | ចំនួនចែករំលែក 0
Fabregas៖ “Neymar នឹងក្លាយជាកីឡាករកំពូល ពេល Messi ចូលនិវត្តន៍”
ចន្លោះមិនឃើញ
Cesc Fabregas ជឿជាក់ថា Neymar នឹងក្លាយជាអ្នកស្នងតំណែងកីឡាករល្អបំផុតរបស់ពិភពលោក នៅពេលដែល Lionel Messi លាឈប់ពីពិភពបាល់ទាត់។
ការហ៊ាននិយាយដូច្នេះរបស់កីឡាករ Chelsea វ័យ២៨ឆ្នាំ ដោយសារតែគេទាំង២ ធ្លាប់ជាអតីតមិត្តរួមក្រុមបានមួយឆ្នាំ កាលលេងនៅទឹកដី Camp Nou នៅពេល Neymar ផ្ទេរពី Santos ទៅទីនោះកាលពីឆ្នាំ២០១៣។
"អ្នកអាចមើលឃើញពីបច្ចេកទេស ការស្រលាញ់បាល់ទាត់ និងទេពកោសល្យដ៏ប៉ិនប្រសប់របស់ Neymar។ ខ្ញុំទទួលស្គាល់ថាវាពិបាកសម្រាប់ Neymar ដើម្បីឈានដល់កម្រិត Messi ប៉ុន្តែនៅពេលដែល Messi ចូលនិវត្តន៍ ខ្ញុំជឿជាក់ថា Neymar នឹងក្លាយជាកំពូលកីឡាករក្នុងសម័យកាលរបស់គេ"។ Fabregas បញ្ជាក់។
Fabregas (ឆ្វេង) ពេលនៅលេងជាមួយ Neymar នៅ Barcelona
កីឡាករអន្តរជាតិប្រេស៊ីលបានចាប់ផ្ដើមរដូវកាលដំបូងមិនសូវជាជោគជ័យនោះទេនៅអេស្ប៉ាញ តែមិនយូរប៉ុន្មាន Neymar បានសម្របខ្លួនបានយ៉ាងរហ័សរហូតធ្វើឲ្យ Fabregas ជឿជាក់គេនឹងក្លាយជាកំពូលកីឡាករពេលលែងមានវត្តមានរបស់ Messi។
បញ្ជាក់ផងដែរថា Neymar កំពុងឡើងជើងខ្លាំងក្នុងរដូវកាលនេះ ឈរលើគេក្នុងតារាង Top Scorer នៅ La Liga ដោយស៊ុតបាន១២គ្រាប់ លើមិត្តរួមក្រុម Luis Suarez ១គ្រាប់។
សម្រាប់ប្រិយមិត្តវិញ យល់ស្របតាម Fabregas ឬអត់?
ចុចអាន៖ Ronaldinho ថា Neymar នឹងជោគជ័យទៀតបើទៅ Premier League
ប្រែសម្រួល៖ រុន វីរ៉ុត
ប្រភព៖ goal