ដំណាក់កាលមាស៣ ដើម្បីសុខភាពនិងការលូតលាស់របស់ទារកនិងកុមារ
- 2015-11-28 00:21:03
- ចំនួនមតិ 0 | ចំនួនចែករំលែក 0
ដំណាក់កាលមាស៣ ដើម្បីសុខភាពនិងការលូតលាស់របស់ទារកនិងកុមារ
ចន្លោះមិនឃើញ
នៅពេលដែលអ្នកមានផ្ទៃពោះអ្នកប្រាកដជាព្រួយបារម្ភអំពីសុខភាពរបស់អ្នកនិងកូន។ ការព្រួយបារម្ភចម្បងរបស់មាតា គឺការលូតលាស់របស់កូននៅក្នុងផ្ទៃនិងនៅពេលដែលកូនកើតមក។ក្នុងនោះម្តាយគ្រប់រូបក៏មានការព្រួយបារម្ភអំពីរោគសញ្ញាមួយចំនួនអំឡុងពេលមានផ្ទៃពោះ ពេលសម្រាល និងក្រោយពេលសម្រាល។ លើសពីនេះទៅទៀត ម្តាយគ្រប់រូបតែងមានការព្រួយបារម្ភអំពីអាហារូបត្ថម្ភ និងសារធាតុបំប៉ននានាដើម្បីទ្រទ្រង់នូវសុខភាពរបស់ខ្លួន សុខភាពកូននៅក្នុងផ្ទៃ និងកូននៅពេលធំឡើង។
ការលូតលាស់របស់ទារក និងកាវិវឌ្ឍរបស់កុមារអាស្រ័យទៅនឹងដំណាក់កាលមាសសំខាន់៣ដូចខាងក្រោម៖ ក.ដំណាក់កាលមាសទី១ គឺការលូតលាស់របស់ទារកនៅក្នុងផ្ទៃ យោងតាមអង្គការសុខភាពពិភពលោកបានឲ្យដឹងថា នៅអំឡុងពេល៣ខែចុងក្រោយនៃគភ៌ ទារកនៅក្នុងផ្ទៃកំពុងលូតលាស់ធ្មេញ និងឆ្អឹង ។ ក្នុងនោះទារកពិតជាចាំបាច់ក្នុងការទាមទារនូវជាតិកាល់ស្យូមពីម្តាយរបស់ខ្លួន ដើម្បីធ្វើឲ្យឆ្អឹងនិងធ្មេញលូតលាស់ ធ្វើឲ្យបេះដូង សរសៃប្រសាទ និងសាច់ដុំមានសុខភាពល្អ។ លើសពីនេះទៅទៀតកាល់ស្យូមជួយឲ្យចង្វាក់បេះដូងទារកដំណើរការធម្មតា និងមានលទ្ធភាពក្នុងការធ្វើកំណកឈាម។
តើកង្វះជាតិកាល់ស្យូមធ្វើឲ្យម្តាយជួបនូវផលវិបាកអ្វីខ្លះ? ប្រសិនបើម្តាយមិនទទួលទាននូវជាតិកាល់ស្យូមគ្រប់គ្រាន់ទេនោះ ម្តាយនឹងមានបញ្ហាសុខភាព ដែលទាក់ទងទៅនឹងកង្វះជាតិកាល់ស្យូម ដោយសារទារកបឺតស្រូបនូវជាតិកាល់ស្យូមពីឆ្អឹងរបស់ម្តាយ ហើយជាលទ្ធផលឆ្អឹងម្តាយនឹងខ្សោយ រួចក្រោយមកអាចប្រឈមមុខនឹង ជំងឺពុកឆ្អឹង។ លើសពីនេះទៅទៀតស្រ្តីជាម្តាយនឹងមានបញ្ហាដូចជា៖ ពិបាកសម្រាល ឈឺក្រោមចង្កេះ រមួលក្រពើ ហើមអវ:យវ:ខាងក្រោម ឈឺសន្លាក់ ល្ហិតល្ហៃអស់កម្លាំង និងការរលូត។ ប្រសិនបើធ្ងន់ធ្ងរជាងនេះ វាជំរុញឲ្យសម្ពាធឈាមឡើង ពុកឆ្អឹង ឆ្អឹងទន់ អាងត្រគាកខូចទ្រង់ទ្រាយ ធ្មេញពុកឬបាក់ និងមានជំងឺផ្សេងៗទៀត។ ការផ្តល់អនុសាសន៍របស់អង្គការសុខភាពពិភពលោក(WHO) ចំពោះស្រ្តីមានផ្ទៃពោះដែលខ្វះជាតិកាល់ស្យូម ការញ៉ាំកាល់ស្យូមបន្ថែមជាផ្នែកមួយនៃការថែទាំទារកក្នុងផ្ទៃនិងការទប់ស្កាត់រោគសញ្ញាបម្រុងក្រឡាភ្លើង ពិសេសគឺការឡើងសម្ពាធឈាម។ *ស្រ្តីមានផ្ទៃពោះនៅក្នុងត្រីមាសចុងក្រោយគួរតែបរិភោគកាល់ស្យូម ១២០០ មក្រ/ថ្ងៃ។ អាហារដែលសម្បូរជាតិកាល់ស្យូមមានដូចជា÷
អាហារ | គ្រាប់កៅឡាក់
៥គ្រាប់ |
តៅហ៊ូ
១/២ដុំធំ |
ទឹកសណ្តែក
១ កែវ |
ខាត់ណា
១/២កែវ |
ស្ពៃតឿ
១/២កែវ |
ត្រីសាឌីន
១ កំប៉ុង |
Broccoli
១/២កែវ |
បរិមាណកាល់ស្យូម | ១៣៥ មក្រ | ២០៤ មក្រ | ៤៥០ មក្រ | ៤៧មក្រ | ៧៥មក្រ | ៩១មក្រ | ៣៦ មក្រ |
ខ.ដំណាក់កាលមាសទី២ គឺទារកស្ថិតនៅក្នុងកំណើត ១០០០ ថ្ងៃដំបូងនៃជីវិត ដំណាក់កាលនេះ គឺជាអំឡុងពេលដែលទារកមានការលូតលាស់ខ្លាំង ទារកពិតជាចាំបាច់ណាស់ក្នុងការនាំចូលនូវសារជាតិកាល់ស្យូមបន្ថែមស្មើនឹង២-៤ដងធៀបនឹងមនុស្សពេញវ័យដោយផ្អែកទៅលើទម្ងន់ខ្លួនកុមារគិតជាគីឡូក្រាម។)
តើកង្វះនូវជាតិកាល់ស្យូមចំពោះទារកនឹងបណ្តាលឲ្យមានបញ្ហាអ្វីខ្លះ? ចំពោះទារកធ្វើឲ្យទម្ងន់ទាប ឆ្អឹងទន់ ខ្លួនតូច ញ័រដៃជើង ស្ពឹក និងឆ្អឹងស្ពោត។លើសពីនេះទៅទៀតនឹងមាននូវរោគសញ្ញាមួយចំនួនទៀតដូចជា ប្រកាច់ ស្ទះបំពង់ក គេងមិនលក់ អស់កម្លាំង មិនចង់ញ៉ាំអាហារ ភិតភ័យពេលយប់ យំយប់ អន្ទះអន្ទែង បែកញើស ថយចុះភាពស៊ាំ និងជំរុញឲ្យមានជំងឺដូចជាផ្តាសាយ ក្តៅខ្លួននិងក្អក ដុះធ្មេញយឺតយ៉ាវ ធ្មេញមិនរឹងមាំល្អ។
តើអ្វីជាការលូតលាស់មិនប្រក្រតី (ភាពក្រិន)? ភាពក្រិនគឺជារោគសញ្ញានៃការលូតលាស់មិនគ្រប់លក្ខណ:នៅលើខួរក្បាល និងរាងកាយកុមារនៅពេលដែលកុមារមិនបានទទួលរបបអាហារ ឬអាហារូបត្ថម្ភគ្រប់គ្រាន់ក្នុងរយ:ពេល១០០០ថ្ងៃដំបូងនៃជីវិត។យោងទៅតាមទិន្នន័យរបស់ការអង្កេតផ្នែកសុខភាព និងប្រជាសាស្ត្រកម្ពុជា (CDHS) ឆ្នាំ២០១៤ បានឲ្យដឹងថា៣២%នៃកុមារដែលមានអាយុក្រោម៥ឆ្នាំ គឺមានកម្ពស់ទាបបើធៀបទៅនឹងអាយុរបស់ពួកគេ ពោលគឺកុមារម្នាក់នៅក្នុងចំណោមដប់នាក់មានការលូតលាស់មិនប្រក្រតីឬភាពក្រិននេះ។ មធ្យោបាយដើម្បីជៀសវាងនូវភាពក្រិន គឺផ្តល់អាហារដែលសម្បូរកាល់ស្យូមឲ្យបានគ្រប់គ្រាន់ដល់កុមារ ធ្វើលំហាត់ប្រាណឲ្យបានទៀងទាត់ កុំលេងកីឡាលើកទម្ងន់អំឡុងពេលលូតលាស់ និងញ៉ាំអាហារសម្បូរវីតាមីននិងសារធាតុរ៉ែឲ្យបានគ្រប់គ្រាន់ ។
គ.ដំណាក់កាលមាសទី៣ គឺវ័យមុនចូលសាលារៀន ក្នុងវ័យនេះកុមារត្រូវការនូវអាហារបំប៉នក៏ដូចជាអាហារូបត្ថម្ភជាច្រើន ដើម្បីទ្រទ្រង់ដល់ការលូតលាស់ទាំងផ្នែករាងកាយ ស្មារតី និងសតិបញ្ញា។ក្នុងការលូតលាស់កាល់ស្យូមមានតួនាទីយ៉ាងសំខាន់។ ជាង៩៩% នៃកាល់ស្យូមផ្ទុកក្នុងឆ្អឹង និងធ្មេញ ហើយមានមុខងារទ្រទ្រង់រាងកាយទាំងមូល ១%ទៀតជួយសម្រួលដល់កំណកឈាម ការកន្ត្រាក់សាច់ដុំ និងសរសៃប្រសាទ។ កោសិកាប្រើប្រាស់កាល់ស្យូមដើម្បីឲ្យមានសកម្មភាព និងជួយសម្រួលដល់ចលនាបេះដូងឲ្យដើរបានទៀងទាត់ផង។ កង្វះជាតិកាល់ស្យូមចំពោះកុមារនិងក្មេងជំទង់មាននូវរោគសញ្ញាមួយចំនួនដូចជា ប្រកាច់ ឬញាក់សាច់ដុំ យំយប់ និងងាយភិតភ័យ ធុំអាហារ ទល់លាមក រញ៉ាំរញ៉ូវ និងរោគសញ្ញាធ្ងន់ធ្ងរមួយចំនួនដូចជាលលាដ៏ក្បាលសំប៉ែត ទ្រូងមាន់ ឆ្អឹងខូចទ្រង់ទ្រាយ (ក្បាលជង្គង់ចូលគ្នា ឬជើងកោង)។ លើសពីនេះទៅទៀត បើសិនកូនលោកអ្នកខ្វះជាតិកាល់ស្យូមរ៉ាំរ៉ៃ វានឹងធ្វើឲ្យសារធាតុរ៉ែរបស់ឆ្អឹងមិនប្រក្រតី ភាពរឹងមាំរបស់ឆ្អឹងថយចុះឬបាត់បង់ រោគក្រិស រមួលក្រពើ សាច់ដុំកន្ត្រាក់ជាប់។ យោងតាមស្ថិតិឆ្នាំ២០១៣ នៃ United Nations Children’s Fund (UNICEF) បានឲ្យដឹងថាក្នុងចំណោមកុមារបួននាក់នៅក្នុងពិភពលោកមានម្នាក់លូតលាស់មិនប្រក្រតី។ ជាការពិតអ្នកម្តាយគ្រប់រូបពិតជាមិនចង់ឲ្យកូនរបស់ខ្លួនលូតលាស់មិនប្រក្រតី និងមានភាពក្រិននោះទេ ដូច្នេះអ្នកម្តាយគួរតែផ្តល់នូវអាហារូបត្ថម្ភទាំងឡាយណាដែលសម្បូរជាតិកាល់ស្យូមដល់កូន។
តម្រូវការកាល់ស្យូមជាមធ្យម (មីលីក្រាម/ថ្ងៃ) សម្រាប់កុមារតាមអាយុ |
||||||
អាយុ |
០-៦ ខែ |
៧-១២ ខែ |
១-៣ ឆ្នាំ |
៤-៦ ឆ្នាំ |
៧-៩ ឆ្នាំ |
១០-១៨ ឆ្នាំ |
(មក្រ/ថ្ងៃ) |
៣០០-៤០០ |
៤០០ |
៥០០ |
៦០០ |
៧០០ |
១៣០០ |