ឡានបីគ្រឿងប៉ើងឡើងលើ ធ្វើឲ្យមនុស្សជាច្រើនភ្ញាក់ផ្អើលយ៉ាងខ្លាំង
- 2015-11-28 17:08:13
- ចំនួនមតិ 0 | ចំនួនចែករំលែក 0
ឡានបីគ្រឿងប៉ើងឡើងលើ ធ្វើឲ្យមនុស្សជាច្រើនភ្ញាក់ផ្អើលយ៉ាងខ្លាំង
ចន្លោះមិនឃើញ
ទស្សនីយភាពដ៏កម្រមួយបានកើតឡើងនៅប្រទេសចិន ខណៈឡានបីគ្រឿងកំពុងបើកបរលើផ្លូវបែរជាត្រូវប៉ើងឡើងដូចរងខ្យល់ព្យុះ។ មុនដំបូងមនុស្សជាច្រើនគិតថាមានកម្លាំងពិសេសណាមួយបញ្ជាឡានទាំងនោះឲ្យហោះឡើង ប៉ុន្តែធាតុពិតវាបានទាក់ជាមួយខ្សែកាបដែលដាក់កាត់ផ្លូវប៉ុណ្ណោះ។
នៅក្នុងវីដេអូដែលថតបានដោយកាមេរ៉ាសុវត្ថិភាព គេឃើញឡានបីគ្រឿងបានហើបផុតពីផ្លូវ ប្រៀបដូចជាមានអ្វីមួយលើកឡើង ដែលធ្វើឲ្យមនុស្សជាច្រើនមានការវែកញែកផ្សេងៗគ្នា។ យ៉ាងណាក្ដី តាមការបកស្រាយរបស់សារព័ត៌មានចិនបានបង្ហាញថា មូលហេតុបណ្ដាលមកពីឡានសម្អាតផ្លូវមួយគ្រឿងបើកបរខុសពេល។
អាជ្ញាធរចិនបានដាក់សណ្ដូកខ្សែកាបចោលនៅលើដងផ្លូវ ត្រៀមបំពាក់ទៅលើបង្គោល។ ប្រសិនបើឡានធម្មតាបើកកាត់ប្រាកដជាមិនទាក់ឡើយ ព្រោះខ្សែកាបនោះនៅរាបផ្ទាល់ដី ប៉ុន្តែឡានសម្អាតផ្លូវបើកកាត់ទើបធ្វើឲ្យទាក់ខ្សែកាបនោះឡើង។ ឯឡានផ្សេងទៀតបើកមកទាក់ខ្សែកាបនោះ ក៏ហើបឡើងផុតពីផ្លូវតែម្ដង៕
ប្រែសម្រួល៖ គង់ វិសាល ប្រភព៖ shanghaiist