រុស្ស៊ីបញ្ចេញអាវក្រោះឆ្កែ បន្ទាប់ពី Diesel ងាប់ក្នុងបេសកកម្មនៅប៉ារីស

2015-11-28 22:06:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតសម្ភារៈការពារជាតិរបស់ប្រទេសរុស្ស៊ី បានបញ្ចេញស្នាដៃរចនាម៉ូដថ្មី គឺអាវក្រោះបំពាក់លើឆ្កែដើម្បីការពារខ្លួន បន្ទាប់ពីឆ្កែមួយក្បាលមានកំណើតបែលហ្សិកឈ្មោះ Diesel ងាប់ក្នុងពេលបំពេញបេសកកម្មនៅប៉ារីសកាលពី ១០ថ្ងៃមុន។

អាវក្រោះដ៏ពិសេសនេះត្រូវបានរចនាឡើងដោយសមាគមផលិតផលវិទ្យាសាស្ត្រ Special Materials (NPO) ដែលមានទីតាំងនៅទីក្រុង St. Petersburg។ ឆ្កែដែលបំពាក់អាវក្រោះនេះ មើលទៅរូបរាងមាំទាំសមជាអ្នកហិតយកការណ៍ពិតៗ ប៉ុន្តែប្រភពព័ត៌មានបានឲ្យដឹងថាវាមិនចូលចិត្តអាវនេះឡើយនាពេលដំបូង។ អាវក្រោះមានពីរផ្នែក ដែលអាចការពារបានទាំងក និងដើមទ្រូង ហើយអាចបន្ថែមប្រដាប់ការពារជើងនិងក្បាលទៀត។

កាលពី ១០ថ្ងៃមុន ឆ្កែដ៏ក្លាហានមួយក្បាលឈ្មោះ Diesel បានពលីជីវិតក្នុងប្រតិបត្តិការវាយឆ្មក់ប្រមាញ់ភេរវជននៅសង្កាត់ Saint Denis ដែលធ្វើឲ្យមនុស្សជាច្រើនមានការសោកស្ដាយយ៉ាងខ្លាំង។ ដើម្បីរំលឹកដល់ Diesel ប្រទេសរុស្ស៊ីបានបញ្ជូនឆ្កែមួយក្បាលឈ្មោះ Dobrynia ទៅបន្តបេសកកម្មនៅប៉ារីស ប្រឆាំងនឹងពួកភេរវជន។