ខ្សែប្រយុទ្ធស្វាយរៀងម្នាក់ របួសជង្គង់ត្រូវអវត្តមានចំនួន៩ខែ
- 2015-12-01 23:31:49
- ចំនួនមតិ 0 | ចំនួនចែករំលែក 0
ខ្សែប្រយុទ្ធស្វាយរៀងម្នាក់ របួសជង្គង់ត្រូវអវត្តមានចំនួន៩ខែ
ចន្លោះមិនឃើញ
ខ្សែប្រយុទ្ធស្វាយរៀង លី សារ័ត្ន ដែលមានបញ្ហាជង្គង់តាំងពីលេងពានរង្វាន់ Hun Sen Cup នៅដើមឆ្នាំ២០១៥នេះ នឹងត្រូវអវត្តមានមិនអាចចូលជួយក្រុមបានរយៈពេល៩ខែ បន្ទាប់ពីរូបគេធ្វើការវះកាត់ប្ដូរសរសៃពួរជង្គង់បានយ៉ាងជោគជ័យនៅប្រទេសវៀតណាម។
លោក សំ វ៉ាន់ដេត គ្រូបង្វឹកក្រុមស្វាយរៀង បានបញ្ជាក់ថា សារ័ត្ន ឈឺជង្គង់តិចៗជាយូរមកហើយ ប៉ុន្តែរូបគេនៅតែអាចចូលលេងបានធម្មតា។ រហូតដល់ក្រុមស្វាយរៀងទៅលេងនៅពានរង្វាន់នៅប្រទេសវៀតណាមកាលពីប៉ុន្មានថ្ងៃមុន ដែលខ្សែប្រយុទ្ធរូបនេះចូលលេងបានតែប៉ុន្មាននាទីប៉ុណ្ណោះ ក៏មានការចុកចាប់ជង្គង់ជាខ្លាំង រហូតត្រូវដឹកទៅមន្ទីរពេទ្យដើម្បីពិនិត្យនៅប្រទេសវៀតណាមនោះតែម្ដង។ ក្រោយធ្វើការពិនិត្យឱ្យបានម៉ត់ចត់ទៅ កីឡាកររូបនេះមានបញ្ហាខ្លាំងជាមួយនឹងសរសៃជង្គង់របស់គេ ដោយត្រូវវះកាត់ប្ដូរចេញភ្លាមៗ។
កាលពីម្សិលមិញនេះ សារ័ត្ន បានវះកាត់បានយ៉ាងជោគជ័យហើយ ដោយគ្រូពេទ្យបានបញ្ជាក់ថាកីឡាកររូបនេះត្រូវប្រើពេលព្យាបាលរយៈពេល៣ខែមិនឱ្យធ្វើអ្វីខ្លាំងជាមួយជង្គង់នេះទេ ហើយក្រោយពី៣ខែនេះ រូបគេត្រូវហាត់សាច់ដុំជាធម្មតា តែក៏មិនអាចចូលលេងជួយក្រុមបានដែរ ដោយត្រូវហ្វឹកហាត់ដូច្នេះរយៈពេល៦ខែទៀត។ សរុបជារួមមក សារ័ត្ន នឹងត្រូវអវត្តមានមិនអាចជួយស្វាយរៀងរហូតដល់ទៅ៩ខែឯណោះ។
លោក សំ វ៉ាន់ដេត បានបញ្ជាក់ទៀតថាការសម្រាកព្យាបាលនិងថ្លៃថ្នាំទាំងអស់ខាងក្លិបស្វាយរៀងជាអ្នកជួយ ហើយរយៈពេលប៉ុន្មានថ្ងៃក្លិបបានចំណាយអស់ជាង២ពាន់ដុល្លារទៅហើយ។ ខ្សែប្រយុទ្ធខាងលើនឹងត្រលប់មកកម្ពុជាវិញនៅថ្ងៃស្អែក ឬខានស្អែកនេះ៕
អត្ថបទ៖ មុន្នី រម្យ រូបថត៖ FB Page ស្វាយរៀង
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
