Brad Pitt បង្ហើបថាពីមុនធ្លាប់ចង់បានកូនមួយឡូ មិនមែន៦ទេ

2015-12-01 22:34:46
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នតារាសម្ដែងប្ដីប្រពន្ធជួរមុខអាមេរិក Brad Pitt និង Angelina Jolieមានកូនប្រុសស្រី៦នាក់ ប៉ុន្តែចំនួនកូននេះមិនមែនជាក្ដីប្រាថ្នាដែលអ្នកទាំងពីរធ្លាប់គិតពីមុននោះទេ។

អំឡុងពេលផ្ដល់កិច្ចសម្ភាសន៍ជាមួយ The Telegraph ក្នុងការបង្ហាញរឿងថ្មីដែលមានចំណងជើងថា "The Big Short” Brad Pittបានបង្ហើបពីគម្រោងយកកូនចៅថា៖"តាមគម្រោង Angie និងខ្ញុំមានបំណងចង់បានកូន១២នាក់ ប៉ុន្តែពួកយើងបញ្ចប់គំនិតនេះទៅវិញបន្ទាប់ពីមានកូន៦នាក់"។ មនុស្សគ្រប់គ្នាតែងនិយាយថារីករាយពេលមានកូនច្រើន។ ប៉ុន្តែខ្ញុំមិនដែលមានអារម្មណ៍បែបនេះទេ បន្ទាប់ពីមានកូន៦នាក់ វាបែរជាធុញទ្រាន់ទៅវិញ។ តារាវ័យ៥១ឆ្នាំបានបន្ថែមបែបកំប្លែងថា៖"មានកូនច្រើន ការស្រលាញ់ក៏ច្រើនហើយវាយគ្នាក៏ច្រើនដែរ"។

Brad Pitt និង Angelina Jolieបានរៀបការនឹងគ្នាកាលពីខែ សីហា ឆ្នាំ ២០១៤។ បច្ចុប្បន្នមានកូនបង្កើតនិងចិញ្ចឹម៦នាក់រួមមាន Maddoxអាយុ១៤ឆ្នាំ, Paxអាយុ១១ឆ្នាំ, Zaharaអាយុ១០ឆ្នាំ, Shilohអាយុ៩ឆ្នាំ និង កូនភ្លោះ Knox and Vivienne អាយុ៧ឆ្នាំ៕