អាងហែលទឹកនៅកំពង់ចាម សម្ពោធថ្ងៃនេះក្រោមអធិបតីសម្ដេច ហ៊ុន សែន

2015-12-02 15:21:07
ចំនួនមតិ 0 | ចំនួនចែករំលែក 0

ចន្លោះមិនឃើញ

មណ្ឌលកីឡាហែលទឹកតេជោសែន នៅខេត្តកំពង់ចាម នឹងត្រូវសម្ពោធដាក់ឲ្យប្រើប្រាស់នៅរសៀល ថ្ងៃពុធ ទី២ ខែធ្នូ ឆ្នាំ២០១៥ នេះហើយក្រោមអធិបតីភាពសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវដែលមានការផ្សាយផ្ទាល់តាមរយៈទូរទស្សន៍ជាតិកម្ពុជា (ទទក)។

តាមការឲ្យដឹងពី Page របស់សម្ដេចថា នារសៀលថ្ងៃពុធ ទី២ ខែធ្នូ ឆ្នាំ២០១៥ នេះសម្ដេច និងលោកជំទាវ នឹងអញ្ជើញចូលជាអធិបតីភាពក្នុងពិធីសម្ពោធអាងហែលទឹកនៅកំពង់ចាមដើម្បីបើកឲ្យប្រើប្រាស់ជាផ្លូវការ។ មណ្ឌលកីឡាហែលទឹកតេជោសែននេះបង្កើតឡើងក្នុងគោលបំណង ដើម្បីអភិវឌ្ឍន៍វិស័យកីឡានៅកម្ពុជា និងចូលរួមចំណែកត្រៀមខ្លួនក្នុងការរៀបចំធ្វើជាម្ចាស់ផ្ទះក្នុងព្រឹត្តិការណ៍កីឡាករស៊ីហ្គេមឆ្នាំ២០២៣។

ទីលានហែលទឹកកំពង់ចាមនេះត្រូវបានសាងសង់ឡើងតាមស្តង់ដារអន្តរជាតិ និងចំណាយថវិកាអស់ប្រមាណជិត២លានដុល្លារអាមេរិក។

ក្នុងពិធីសម្ពោធនេះក៏មានការប្រកួតហែលទឹកដែលមានកីឡាករ-កីឡាការិនីចូលរួមសរុបចំនួន១២៣នាក់សម្រាប់ប្រកួតលើវិញ្ញាសាចំនួន២៩។