Sabay មូសខ្លាបំបាក់ NSK Dream ចាស់ដៃដើម្បីរួចផុតពីការកាត់ចេញ
- 2014-10-20 21:43:45
- ចំនួនមតិ 0 | ចំនួនចែករំលែក 0
Sabay មូសខ្លាបំបាក់ NSK Dream ចាស់ដៃដើម្បីរួចផុតពីការកាត់ចេញ
ចន្លោះមិនឃើញ
ក្រុម Sabay មូសខ្លាបានរួចផុតពីការកាត់ចេញហើយ បន្ទាប់ពីបានបំបាក់ក្រុម NSK Dream យ៉ាងចាស់ដោយលទ្ធផល ៧៤ ទល់ ៣០ សម្រាប់ការប្រកួតលីកបាល់បោះជាតិឆ្នាំ២០១៤កាលពីថ្ងៃអាទិត្យ។
បន្ទាប់ទទួលរងបរាជ័យ៥ប្រកួតជាប់ៗគ្នាដែលធ្វើឲ្យអ្នកស្នេហាវិស័យបាល់បោះគិតថា Sabay មូសខ្លានឹងស្ថិតនៅក្នុងចំណោមក្រុមពីរដែលត្រូវកាត់ចេញ ប៉ុន្តែបែរជាស្រោចស្រង់វិញបានសម្រាប់ការប្រកួតពីរលើកចុងក្រោយដោយឈ្នះទាំងពីរ ហើយស្ថិតនៅលេខរៀងទី៨ មាន១១ពិន្ទុ។ ដូច្នេះក្រុមមួយនេះមានសិទ្ធិប្រកួតវគ្គខ្វែងក្នុងចំណោម៨ក្រុមចុងក្រោយ។
កាលពីថ្ងៃអាទិត្យនេះដែរ ក្រុម Emperors បានយកឈ្នះក្រុម Pate 310 ដោយលទ្ធផល ៥៤-៤៨ ខណៈក្រុមខ្លាំង Davis Paints នៅតែបន្តឈរលើកំពូលតារាង បន្ទាប់ពីឈ្នះក្រុម GL Concrete ដោយលទ្ធផល៩២-៨១។
ចំពោះក្រុមពីរដែលត្រូវកាត់ចេញនោះក៏រកឃើញហើយគឺក្រុម NSK Dream ឆ្លងកាត់៩ប្រកួតឈ្នះ២ និងចាញ់៩ ស្ថិតនៅលេខរៀងទី៩ និងក្រុម GL Concrete ឆ្លងកាត់៩ប្រកួត ចាញ់ទាំងអស់ និងស្ថិតនៅបាតតារាង៕
អត្ថបទ៖ ជាន ចាន់រ៉ា