Balotelli កំពូលស៊យ ឬកំពូលអន់ នៅ Liverpool?
- 2014-10-20 22:37:17
- ចំនួនមតិ 0 | ចំនួនចែករំលែក 0
Balotelli កំពូលស៊យ ឬកំពូលអន់ នៅ Liverpool?
ចន្លោះមិនឃើញ
Mario Balotelli ដែល Liverpool ទិញយកមកជំនួសតំណែងខ្សែប្រយុទ្ធ Luis Suarez មិនទាន់អាចបង្ហាញទម្រង់លេងល្អដូចការរំពឹងទុកនៅឡើយទេ ដែលធ្វើឲ្យមានមតិរិះគន់ជាច្រើនពីសំណាក់អ្នកមើលបាល់អង់គ្លេស ជាពិសេសគឺអ្នកគាំទ្រហង្សក្រហមតែម្ដង។
ខ្សែប្រយុទ្ធអ៊ីតាលីរូបនេះ មិនទាន់រកបានមួយគ្រាប់នៅឡើយទេក្នុងការលេងនៅ Premier League ឲ្យក្រុមលោក Brendan Rodgers ខណៈការលេងទល់នឹង QPR យប់មិញនេះ ក៏អន់ដែរ ដោយធ្វើឲ្យខកខានឱកាសជាច្រើន។
មើលតាមស្ថិតិខាងក្រោម ប្រិយមិត្តនឹងដឹងថា Balotelli មានកំណត់ត្រាមិនល្អនៅ Liverpool នោះឡើយ៖
Balotelli ស៊ុត QPR ៧ដង និងស៊ុត Everton ១០ដង ប៉ុន្តែអត់ចូលមួយគ្រាប់ណាសោះ
Balotelli ២០ប្រកួតចុងក្រោយនៅ Premier League (គិតតពីពេលលេងនៅ Man City) ស៊ុត៣៩ដង ចូលតែ១គ្រាប់គត់ ហើយ assist ០
គ្មានកីឡាករនៅលីកកំពូលអឺរ៉ុបទាំង៥ ដែលបានស៊ុតច្រើនដូច Balotelli ដោយគ្មានចូលមួយគ្រាប់ណាសោះ (ស៊ុត១៩ដង)
Balotelli លេងនៅក្នុងលីក១០ប្រកួតចុងក្រោយ ស៊ុតអត់ចូល១គ្រាប់សោះ
វីដេអូបង្ហាញពីការភ្លាត់ឱកាសរបស់ Balotelli ពេលលេងយប់មិញ៖
ក្រៅពីនេះ ក៏មានអ្នកមើលបាល់ជាច្រើន បង្ហោះសាររិះគន់ ឌឺដងដាក់ Balotelli តាមបណ្ដាញសង្គមផងដែរ។ ជាក់ស្ដែងដូចអ្នកលេង Twitter មួយចំនួននៅអង់គ្លេស ដូចបង្ហាញខាងក្រោមនេះស្រាប់៖
ចុចអាន៖ ហង្សក្រហមឈ្នះ QPR ទាំងភ័យបុកពោះយប់មិញ (វីដេអូ)
- Balotelli គ្មានឈ្មោះក្នុងក្រុមជម្រើសជាតិអ៊ីតាលីនោះទេ
- Balotelli សន្យាជាមួយអ្នកគាំទ្រ Liverpool ថា…
ដោយ៖ សុខ សុវត្ថិ