ការទន្ទឹងរង់ចាំបានមកដល់ហើយ ទូរទស្សន៍ខ្មែរ ៤ ផ្សាយបន្តផ្ទាល់ លីកអង់គ្លេស
- 2014-09-17 18:17:34
- ចំនួនមតិ 0 | ចំនួនចែករំលែក 0
ការទន្ទឹងរង់ចាំបានមកដល់ហើយ ទូរទស្សន៍ខ្មែរ ៤ ផ្សាយបន្តផ្ទាល់ លីកអង់គ្លេស
ចន្លោះមិនឃើញ
ទីបំផុតលីកបាល់ទាត់ដែលមានឈ្មោះបោះសំឡេងមកពីតំបន់អឺរ៉ុប Barclays Premier League (BPL) របស់ប្រទេសអង់គ្លេស នឹងមានផ្សាយបន្តនៅក្នុងប្រទេសកម្ពុជា បានហើយដោយស្ថានីយទូរទស្សន៍ក្នុងស្រុកចំនួន ៤ ផ្សេងគ្នា ទទួលបានសិទ្ធិផ្សាយនៅរដូវកាល ២០១៤ - ២០១៥ នេះ។
យោងតាមវេបសាយរបស់ទូរទស្សន៍បាយ័ន បានចេញផ្សាយកាលពីពេលថ្មីៗ ថា ក្រុមហ៊ុន CTH International Co., Ltd និង ក្រុមហ៊ុន LBH Innovation Media Co., Ltd បានចុះហត្ថលេខាស្ដីពីប្រគល់សិទ្ធិនៃការផ្សាយបន្តផ្ទាល់ការប្រកួតលីកបាល់ទាត់កំពូលអង់គ្លេស នៅរដូវកាលនេះ កាលពីថ្ងៃទី ១៥ កញ្ញា កន្លងទៅនៅសណ្ឋាគារ Sofitel Phokeethra Phnom Penh ដោយមានការចូលរួមជាសាក្សីពីលោក ថោង ខុន ប្រធានគណៈកម្មាធិការជាតិអូឡាំពិកកម្ពុជា។
CTH International Co., Ltd ជាក្រុមហ៊ុនទទួលបានសិទ្ធិផ្លូវការត្រឹមត្រូវតាមផ្លូវច្បាប់ក្នុងការផ្សាយបន្តផ្ទាល់កម្មវិធីប្រកួតលីក Barclays Premier League នៅប្រទេស៣ ក្នុងតំបន់អាស៊ានរួមមាន ថៃ ឡាវ និង កម្ពុជា។
សារព័ត៌មានខាងលើបានបន្ថែមទៀតថា កិច្ចសហការគ្នារវាងក្រុមហ៊ុនទាំង២ គឺសម្រេចបាន អាចទទួលសិទ្ធិផ្សាយការប្រកួតចំនួន ២៦ប្រកួត តាមរយៈស្ថានីយទូរទស្សន៍នៅកម្ពុជាចំនួន ៤ គឺទូរទស្សន៏បាយ័ន ទូរទស្សន៏ជាតិកម្ពុជា (TVK), ប៉ុស្ត៏លេខ ៥ (TV5) និង ទូរទស្សន៍ប៉ុស្តិ៍លេខ ៣ (TV3)។
ប្រភពមិនបានបញ្ជាក់ឱ្យបានច្បាស់ពីទឹកប្រាក់នៃទទួលបានសិទ្ធិនៃការផ្សាយបន្តផ្ទាល់នេះក្នុងតម្លៃប៉ុន្មាននោះទេ ហើយក៏មិនបានបញ្ជាក់ពីចាប់ផ្ដើមផ្សាយនៅពេលណានោះដែរ ប៉ុន្តែគិតត្រឹមចុងសប្ដាហ៍នេះ BPL បានដំណើរបាន ៥ សប្ដាហ៍ហើយ ខណៈកម្មវិធីប្រកួតសរុបមាន ៣៨ សប្ដាហ៍ក្នុងមួយរដូវកាល៕
អត្ថបទ៖ ម៉ឺន រស្មី