ល្ងាចនេះ Soccer League ចាប់ផ្ដើមប្រកួតវគ្គពាក់កណ្ដាលផ្ដាច់ព្រ័ត្រ
- 2015-12-21 21:04:02
- ចំនួនមតិ 0 | ចំនួនចែករំលែក 0
ល្ងាចនេះ Soccer League ចាប់ផ្ដើមប្រកួតវគ្គពាក់កណ្ដាលផ្ដាច់ព្រ័ត្រ
ចន្លោះមិនឃើញ
បន្ទាប់ពីធ្វើការប្រកួតជម្រុះអស់រយៈពេលជាយូរមក ពេលនេះពានរង្វាន់ Soccer League ឆ្នាំ២០១៥ បានឈានដល់វគ្គពាក់កណ្ដាលផ្ដាច់ព្រ័ត្រហើយ ដោយការប្រកួតនឹងចាប់ផ្ដើមនៅល្ងាចម៉ោង៣:៣០នាទីថ្ងៃនេះ ក្រុមយុវជន វ៉ិចតូរី អេហ្វស៊ី ប៉ះ យុវជន ក.១២។ ចំណែកឯថ្ងៃស្អែក ម៉ោង៣:៣០នាទីល្ងាចដូចគ្នា ក្រុមសម្ព័ន្ធ គ.ស.ន.ប.ក ប៉ះ អាណាចក្របៃតង។
ចំពោះពានរង្វាន់ Soccer League ដែលរៀបចំដោយសហភាពសហព័ន្ធយុវជនកម្ពុជានេះ នឹងផ្ដល់ជូនប្រាក់រង្វាន់ដូចខាងក្រោមនេះ៖
១. សម្រាប់ក្រុមជើងឯក ទទួលបានពាន១ មេដាយមាស២៥គ្រឿង និងទឹកប្រាក់ ១០លានរៀល ២. សម្រាប់ក្រុមលេខ២ ទទួលបានមេដាយប្រាក់២៥គ្រឿង និងទឹកប្រាក់៧លានរៀល ៣. សម្រាប់អ្នកលេខ៣ ទទួលបានមេដាយសំរឹទ្ធ២៥គ្រឿង និងទឹកប្រាក់ ៥លានរៀល ៤. សម្រាប់ក្រុមលេង Fair Play ទទួលបានទឹកប្រាក់ ១លានរៀល ៥. សម្រាប់កីឡាករដែលស៊ុតបញ្ចូលទីបានច្រើនជាងគេ ទទួលបានប្រាក់ ១លានរៀល ៦. អ្នកចាំទីល្អជាងគេ ទទួលបានប្រាក់១លានរៀល ៧. អាជ្ញាកណ្ដាល ដឹកនាំការប្រកួតផ្ដាច់ព្រ័ត្រទទួលបាន១លានរៀល
ការប្រកួតវគ្គផ្ដាច់ព្រ័ត្រនឹងធ្វើឡើងនៅថ្ងៃទី២៦ខែធ្នូឆ្នាំ២០១៥ ខាងមុខនេះនៅកីឡដ្ឋានជាតិអូឡាំពិក៕
អត្ថបទ៖ មុន្នី រម្យ រូបថត៖ UYFC Soccer League