អាណាចក្របៃតង លើកពានជើងឯក Soccer League ២០១៥
- 2015-12-27 02:51:41
- ចំនួនមតិ 0 | ចំនួនចែករំលែក 0
អាណាចក្របៃតង លើកពានជើងឯក Soccer League ២០១៥
ចន្លោះមិនឃើញ
ទីបំផុត ពានរង្វាន់ជើងឯក Soccer League លើកទី៣ ប្រចាំឆ្នាំ២០១៥ បានធ្លាក់ទៅលើដៃក្រុមអាណាចក្របៃតង បន្ទាប់ពីយកឈ្នះក្រុមយុវជន វ៉ិចតូរី អេហ្វស៊ី ដោយលទ្ធផល ១-០ នៅចុងម៉ោង លើទីលានពហុកីឡដ្ឋានជាតិកាលពីល្ងាចមិញនេះ។
មួយគ្រាប់ជ័យជម្នះរបស់ក្រុមអាណាចក្របៃតង ធ្វើបានសម្រេចដោយម្ចាស់ស្បែកជើងមាស សេង ស័ង្ខរតនា នៅជិតចប់ការប្រកួតទៅហើយ ពោលស្ថិតក្នុងម៉ោងបន្ថែមបង្គ្រប់ចុងក្រោយ។ គ្រាប់បាល់ដ៏មានតម្លៃមួយនេះ បានធ្វើឲ្យក្រុមអាណាចក្របៃតងលើកពានរង្វាន់ Soccer League លើកទី៣ ដែលរៀបចំឡើងដោយសហភាពសហព័ន្ធយុវជនកម្ពុជា (ស.ស.យ.ក) សហការជាមួយសហព័ន្ធកីឡាបាល់ទាត់កម្ពុជា (FFC)។
ខាងក្រោមនេះ ជាលទ្ធផលទាំងស្រុងនៃពានរង្វាន់ Soccer League៖
ក្រុមជើងឯក៖ អាណាចក្របៃតង (ទទួលបានពានមួយ មេដាយមាស ២៥គ្រឿង អមដោយប្រាក់រង្វាន់ ១០លានរៀល)
ក្រុមជើងឯករង៖ យុវជន វ៉ិចតូរី អេហ្វស៊ី (ទទួលបានមេដាយប្រាក់ ២៥គ្រឿង អមដោយប្រាក់រង្វាន់ ៧លានរៀល)
ក្រុមលេខ៣៖ យុវជន ក.១២ (ទទួលបានមេដាយសំរិទ្ធ ២៥គ្រឿង អមដោយប្រាក់រង្វាន់ ៧លានរៀល)
ក្រុម Fair Play៖ យុវជនកំពង់ចាម (ទទួលបានប្រាក់រង្វាន់ ១លានរៀល)
កីឡាករស៊ុតបញ្ចូលទីច្រើនជាងគេ៖ សេង ស័ង្ខរតនា របស់ក្រុមអាណាចក្របៃតង ស៊ុតបាន ៩គ្រាប់ (ទទួលបានប្រាក់រង្វាន់ ១លានរៀល)
អ្នកចាំទីល្អជាងគេ៖ នួន វាសនា របស់ក្រុមយុវជន ក១២ (ទទួលបានប្រាក់រង្វាន់ ១លានរៀល)
សកម្មភាពលើទីលាន
អត្ថបទ៖ គង់ វិសាល
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
