ប្រលោមលោក Sabay ត្រៀមចេញ៤រឿង នៅខែវិច្ឆិកានេះ

2014-10-21 21:00:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងខែតុលានេះ បន្ទាប់ពីរឿង «ផ្ទះគ្រូទាយ» ប្រិយមិត្តយើងកំពុងតែជក់ចិត្តជាមួយប្រលោមលោកបែបស្នេហា ស៊ីវីល័យ ពោរពេញដោយល្បិចគេចកលរាប់រយជំពូករបស់បុប្ផាច្រើនទង បំណងទាក់យកកន្លង់សម្បូរស្នេហ៍សេនី រឿង «មន្តស្នេហ៍លេខា»។

ដើម្បីបន្ថែមការកម្សាន្តអារម្មណ៍តាមរយៈការអាន ប្រលោមលោក Sabay ក៏បានត្រៀមរឿងថ្មីៗ ល្អៗចំនួន៤ទៀតសម្រាប់ការចេញផ្សាយក្នុងខែវិច្ឆិកា ខាងមុខនេះ។ ចង់ដឹងថាមានរឿងអ្វីខ្លះ ហើយល្អមើលប៉ុណ្ណា សូមតាមដានដូចខាងក្រោម៖

១. បាត់ដំបងស្រមោលស្នេហ៍៖

គឺជាភាគបន្តនៃសាច់រឿង «ប្រុសស្អាតវិទ្យាល័យ» ដែលមិត្តអ្នកអានបានស្គាល់ហើយថាជាស្នេហារបស់រចនា និងវុធ។ ក្នុងភាគថ្មីនេះ រចនាបានសម្រេចចិត្តរៀបការជាមួយបុរសម្នាក់ទៀតដែលស្រលាញ់នាងស្ទើរ ស្មើជីវិត មិនដែលជំទាស់ឬធ្វើឲ្យនាងពិបាកចិត្តឡើយ ព្រោះតែការបែកគ្នាជាច្រើនឆ្នាំជាមួយវុធ។ ចៃដន្យអី ប្រុសស្អាតវិទ្យាល័យរបស់រចនាបានអើតមុខមកតាមរយៈ sms ជូនពរក្នុងយប់ផ្សំដំណេករបស់នាង ធ្វើឲ្យនាងបែរជាវង្វេងវង្វាន់ មិនច្បាស់ថាត្រូវស្រលាញ់ប្ដី ឬត្រូវវិលទៅរកប្រុសស្អាតក្នុងដួងចិត្ត។ ប្រលោមលោកស្នេហាមួយនេះ នឹងត្រូវចេញផ្សាយនៅថ្ងៃទី៤ ខែវិច្ឆិកា ខាងមុខ។

២. ស្រីស្អាតមកពីទីឆ្ងាយ៖

ជាប្រលោមលោកបែបអភិនីហារ អប្បិយជំនឿ មន្តអាគមអូមអាម ដែលតំណាលពីគូស្នេហ៍៥ជាតិរវាងកំលោះ ប៊ុន ធឿន និងនាងតរុណី ដែលមិនដែលបែកគ្នាតាំងពីអតីតជាតិមក។ ក្នុងជាតិទី៥នេះ គឺជាជាតិចុងក្រោយនៃគូស្នេហ៍ទាំងពីរដែលនឹងត្រូវនៅជាមួយគ្នាជារៀងរហូត ព្រោះពួកគេនឹងបំបាំងខ្លួនទៅនៅក្នុងភពមួយផ្សេងពីមនុស្សលោក។ ចំណោទបញ្ហានិងភាពអាថ៌កំបាំងទាំងឡាយនិងត្រូវបកស្រាយក្នុងរឿង «ស្រីស្អាតមកពីទីឆ្ងាយ» ដែលត្រូវចេញផ្សាយនៅថ្ងៃទី១១ ខែវិច្ឆិកានេះហើយ។

៣. និស្ស័យស្នេហ៍នៅអង្គរ៖

ទឹកដីអង្គរបានក្លាយជាកន្លែងតែមួយគត់ដែលប្រទាក់ចិត្តបុរសទេសចរជនជាតិវៀតណាមម្នាក់មកលើបុប្ផាក្រពុំកម្ពុជា រហូតដកមិនរួច។ ដោយសារតែមានបញ្ហារវល់ បុរសនោះក៏បានត្រលប់ទៅប្រទេសខ្លួនវិញទាំងទឹកចិត្តស្រលាញ់នារីយើងពេញបេះដូង និងបានកំណត់ក្នុងចិត្តថា ពេលវិលមកវិញ គេនឹងសុំនាងរៀបការ។ កត្តាពេលវេលា និងគំលាតរវាងប្រទេសនិងប្រទេស បានធ្វើឲ្យស្នេហារបស់កំលោះវៀតណាមក្លាយជាស្នេហាតែម្ខាង ព្រោះពេលគេត្រលប់មករកបុប្ផាអង្គរវិញ នាងបានរៀបការជាមួយបុរសផ្សេងរួចទៅហើយ។ ចង់ដឹងថាស្នេហាដ៏កម្សត់របស់កន្លង់ឆ្លងប្រទេសមានលទ្ធផលចុងក្រោយបែបណា កុំភ្លេចតាមដាននៅថ្ងៃទី២១ ខែក្រោយនេះ។

៤. ហេតុអ្វីមិនមែនជាបង?

ព្រោះតែចរិតប្រចែប្រចណ្ឌជ្រុលហួសហេតុរបស់គូដណ្ដឹង បានធ្វើឲ្យនារីម្នាក់ងាកទៅបាក់ចិត្តស្រលាញ់បុរសដែលធ្វើការជាមួយគ្នា រហូតក្លាយជាសង្សារលួចលាក់។ ទោះដឹងថាគូដណ្ដឹងមានចរិតគួរឲ្យធុញ បិទសិទ្ធសេរីភាពនាងខ្លាំងក៏ដោយ នាងនៅតែមិនអាចផ្ដាច់ពាក្យវិញបានព្រោះតែបញ្ហាមុខមាត់គ្រួសារ។ ចំណងស្នេហ៍លាក់លៀមរវាងនាងនិងបុរសធ្វើការជាមួយគ្នាក៏ត្រូវគូដណ្ដឹងនាងដឹង ហើយក៏មានបញ្ហាជាច្រើនកើតឡើង។ តើស្នេហាត្រីកោណនេះនឹងបញ្ចប់ទៅដោយរបៀបណា? សូមរង់ចាំអាននៅថ្ងៃទី ២៨ ខែវិច្ឆិកានេះ៕

អត្ថបទ៖ សរ សុគន្ធី

ពាក្យទាក់ទង

ប្រលោមលោក

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024