ស្រីលក្ខខ្ចីដៃសេនីចាត់ការចេតនាវិញ «មន្តស្នេហ៍លេខា» ភាគទី១៣
- 2014-10-22 14:00:47
- ចំនួនមតិ 0 | ចំនួនចែករំលែក 0
ស្រីលក្ខខ្ចីដៃសេនីចាត់ការចេតនាវិញ «មន្តស្នេហ៍លេខា» ភាគទី១៣
ចន្លោះមិនឃើញ
ឃើញសុភាពៗ អ្នកណាទៅដឹងថាចេតនាគឺជាសុភាពបុរសលាក់មុខហ៊ានប្រើសង្សារខ្លួនឯងជានុយដើម្បីតែផលប្រយោជន៍ផ្ទាល់ខ្លួនសោះ។ ស្រីៗដែលចូលទៅទាក់ទងសេនី ការពិតសុទ្ធតែជាស្រីស្នេហ៍របស់ចេតនាស្ទើរតែទាំងអស់ លើកលែងតែកេន្នី លេខាឆ្នាសចិត្តស្មោះប៉ុណ្ណោះ។ មកដល់ភាគទី១៣នេះ គម្រោងការក្បត់របស់ចេតនាត្រូវបានស្រីលក្ខបើកកកាយប្រាប់សេនីអស់គ្មានសល់ ធ្វើឲ្យនាយកកំលោះយើងក្ដៅស្លឹកត្រចៀក ចាត់ការចេតនានិងតារាវីរហូតអស់ផ្លូវដើរទាំងយប់។
ងាកមកស្រីលក្ខវិញ ចិត្តមួយនឹកអាណិតសង្សារដែលត្រូវសេនីព្រលះគ្មានការងារធ្វើទៀត តែចិត្តមួយនឹករីករាយព្រោះប្រុសដែលក្បត់នាងត្រូវទទួលមេរៀនដ៏ចុកចាប់គ្មានថ្ងៃងើបរួចបែបនេះ។ សេនីក្រោយពីចាត់ការអ្នកទាំងពីរហើយ បានទៅល្អូកល្អិនជាមួយលេខាថ្មី ស្រីលក្ខទាំងដឹងដែរថានាងមិនដែលព្រមជាមួយខ្លួនក៏ដោយ។
នៅមិនទាន់អាចទាយដឹងនៅឡើយថាស្នេហាបែបចាប់បង្ខំរវាងនាយកព្រានឃ្លានស្នេហ៍ និងលេខាស្រីដ៏រឹងទទឹងនោះអាចចូលមកជំនួសស្នេហាដែលកេន្នីធ្លាប់មានចំពោះសេនីបានដែរទេ? ទាល់តែអានទើបដឹងសាច់រឿងច្បាស់។
…..ចុចទីនេះដើម្បីចូលអានភាគទី១៣.....
[...] គេនិយាយទាំងខ្សឹបៗសង្កៀតធ្មេញ ធ្វើឲ្យនាងពិបាកចិត្ត។ គេម្នាក់នេះដូចជាលង់នឹងនាង ចង់ជួបនាងអីម្ល៉េះ ឬមួយភាពល្មោភស្រីជាចរិតរបស់គេ? នាងនិយាយបន្ថែម៖ «យកពេលទៅមើលស្រីស្ងួនរបស់លោកផងទៅ!» គេនៅស្ងៀមទំនងខឹងនាង។ នាងមិនខ្វល់ក៏បន្តភ្លាម ព្រោះចិត្តគឺចង់សម្លាប់ប្រុសសហាយស្រីស្មន់ឲ្យទាន់ក្ដៅចិត្ត៖ «មិនដឹងស្រីស្នេហ៍មួយណា ព្រោះថាច្រើនពេកមែនអត់? គឺនាងតារាវី! តារាទឹកភ្នែកនោះអី! ថាមិនបាន ពេលលោកកំពុងមកចែចង់ខ្ញុំ នាងនោះមានអីៗជាមួយប្រុសផ្សេងផងក៏មិនដឹង លោកនាយក!លោកប្រហែសពេកហើយ»
គេនៅស្ងៀម តែនាងដឹងថាគេកំពុងឆេះ។ គេកាន់តែឆេះ ពីរនាក់នោះក៏កាន់តែគ្មានផ្លូវរស់។ ដូច្នេះស្រីលក្ខបន្ថែមភ្លាម៖ «ហើយប្រុសនោះ! ជួនកាលជាមនុស្សដែលលោកនាយកទុកចិត្តបំផុតផងក៏ថាបាន!» គេកាន់តែលែងមាត់មួយម៉ាត់ នាងដឹងថាគេកំពុងគិត។ នាងញញឹមទាំងឈឺចាប់ គឺឈឺចាប់ព្រោះត្រូវគេបោក ឈឺចាប់ព្រោះត្រូវគេសម្លាប់ប្រុសដែលនាងខំស្រលាញ់ ខំជួយគេពេញមួយជីវិតមកហើយ។ «អ្នកណាគេ? និយាយមក! កុំវាងវែងឆ្ងាយ!» [...]