Mario Maurer បង្អួតរាងម៉ូតូហុងដា Click 125i ឆ្នាំ២០១៦ក្នុងវីដេអូពាណិជ្ជកម្មថ្មី

2016-01-19 14:59:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូហុងដា Click 125i ឆ្នាំ២០១៦ ត្រូវបានគេបង្ហាញរូបរាងនិងលក្ខណៈពិសេសរបស់វាក្នុងវីដេអូពាណិជ្ជកម្មថ្មីដែលដើរតួដោយតារាសម្ដែងថៃ Mario Maurer។

តាមរយៈវីដេអូឃើញថារូបរាងរបស់ Click 125i ស៊េរីថ្មីនេះមានលក្ខណៈស្អាតខុសប្លែកពីស៊េរីមុន ដោយមានរចនាបែប 3D ផុសៗ។ អំពូលភ្លើង LED ដែលបានបំពាក់លើម៉ូតូនេះអាចបំភ្លឺផ្លូវបានយ៉ាងច្បាស់ល្អនាពេលរាត្រី។ បច្ចេកវិទ្យាពិសេសៗដែលមានបំពាក់លើម៉ូតូនេះមានដូចជា Idling Stop System (ពន្លត់ម៉ាស៊ីនម៉ូតូនៅពេលឈប់), ម៉ាស៊ីនបច្ចេកវិទ្យា ESP របស់ហុងដា និងប្រព័ន្ធប៊ិច PGM-FI ដែលជួយឲ្យស៊ីសាំងតិចជាដើម។

យោងតាមការលើកឡើងរបស់ក្រុមហ៊ុនហុងដាប្រទេសថៃបានឲ្យដឹងថា ម៉ូតូ Click 125i ស៊េរី២០១៦នេះ នឹងចំណាយប្រេងឥន្ធនៈអស់តែ ១,៦៩លីត្រប៉ុណ្ណោះ លើចម្ងាយផ្លូវ១០០គ.ម។ និយាយពីតម្លៃម៉ូតូនេះវិញគឺមានចាប់ពី ១៤០០ដុល្លារ ដែលជាតម្លៃដាក់លក់លើទីផ្សារប្រទេសថៃ៕ ចុចអាន៖ ហុងដាទើបប្រកាស Click 125i ស៊េរី២០១៦ ១០០គ.ម ស៊ីសាំង១,៦៩លីត្រ

ប្រែសម្រួល៖ ហៃ សុខហេង ប្រភព៖ Facebook Honda Motorcycle Thailand