និយាយពីកម្មវិធី Video Call ដ៏ពេញនិយម មានអ្នកចាប់អារម្មណ៍ខុសៗគ្នា
- 2014-10-23 17:55:23
- ចំនួនមតិ 0 | ចំនួនចែករំលែក 0
និយាយពីកម្មវិធី Video Call ដ៏ពេញនិយម មានអ្នកចាប់អារម្មណ៍ខុសៗគ្នា
ចន្លោះមិនឃើញ
ការប្រើកម្មវិធី Video Call កំពុងទទួលបានការពេញនិយម និងមានការប្រើប្រាស់យ៉ាងសកម្ម។ កម្មវិធី Video Chat អាចឲ្យគេជជែកកម្សាន្តជាមួយគ្នាបានគ្រប់ពេលវេលាគ្រប់ទីកន្លែង ជាពិសេសអាចជជែកមើលមុខគ្នាទៅវិញទៅមកបានយ៉ាងងាយស្រួល។ បច្ចុប្បន្ននេះមានកម្មវិធី Video Call ជាច្រើនកំពុងគេប្រើប្រាស់។ តើកម្មវិធី Video Call ណាកំពុងពេញនិយមនិងប្រើប្រាស់ជាងគេ។
កញ្ញា អូន ស៊ីយ៉ា បុគ្គលិកក្រុមហ៊ុនឯកជនមួយរូបបានប្រាប់ថា កញ្ញាមានកម្មវិធី Video call ៤ ទៅ ៥ នៅលើទូរសព្ទ សម្រាប់ប្រើប្រាស់ជាប្រចាំ។ ចំណោមនោះ Tango ជាកម្មវិធីដែលកញ្ញាចូលចិត្តប្រើជាងគេ។
ស៊ីយ៉ា បានបញ្ជាក់ពីមូលហេតុថា៖ “Tango មានភាពងាយស្រួល បើទោះបីជាអ៊ីនធឺណិតដើរយឺតក៏គ្មានបញ្ហានោះដែរ ដែលនេះជាមូលហេតុខ្ញុំចូលចិត្តប្រើកម្មវិធីនេះជាងគេ”។
ខុសពីស៊ីយ៉ា បុគ្គលិកបម្រើការផ្នែកសន្តិសុខនៅក្រុមហ៊ុនឯកជនមួយលោក កែន សុធា ប្រាប់ថា លោកជ្រើសរើសកម្មវិធី Skype ជា Video Call សម្រាប់ការទំនាក់ទំនងគ្នា។
លោកបានប្រាប់គុណសម្បត្តិពីការប្រើកម្មវិធី Skype ថា៖ “ខ្ញូំមានប្រពន្ធដែលកំពុងធ្វើការនៅម៉ាឡេស៊ី ហើយរាល់ការទំនាក់ទំនងប្រើតែកម្មវិធី Skype ព្រោះកម្មវិធីនេះទាំងសំឡេង និងរូបភាពគឺច្បាស់ល្អ”។
ការប្រើកម្មវិធី Video Chat កំពុងទទួលការពេញនិយម ដោយសារកម្មវិធីនេះអាចឲ្យគេជជែកកម្សាន្តជាមួយគ្នាបានយ៉ាងងាយស្រួល ជាពិសេសអ្នកដែលមានមិត្តភ័ក្តិឬបងប្អូនរស់នៅឆ្ងាយពីគ្នា អាចប្រើកម្មវិធីនេះជជែកនិងមើលមុខគ្នាបានយ៉ាងរីករាយផងដែរ។
កញ្ញាម៉ារី ឲ្យដឹងថា មានកម្មវិធី Video Chat ជាច្រើនមានគេនិយមប្រើប្រាស់មានដូចជា Skype ,Yahoo messenger ,oovoo ,tango ,google plus ,Fring ,qik។ តែសម្រាប់កញ្ញា OovOO ជាជម្រើសទីមួយទាំងសំឡេងនិងរូបភាពមិនទាស់ចិត្តទេ។
ចុះមិត្តយុវវ័យចូលចិត្តប្រើកម្មវិធី Video Call ជាងគេ?
អានអត្ថបទ៖ ជនអនាមិកលួចជ្រៀតចូល Facebook កាន់តែក្តៅគគុកផ្អើលអ្នកកម្សាន្តតៗគ្នា
អានអត្ថបទ៖ កំពូលស្មាតហ្វូនទាំង ៤ គីឡូធ្ងន់ហ៊ានតតាំង iPhone 6/6Plus
អានអត្ថបទ៖ ចំណាយពេលបន្តិចស្វែងយល់ពីក្តារចុចខ្មែរលើ iOS 8
អានអត្ថបទ៖ ម៉ូតូប្លែកៗច្រើនម៉ូដច្រើនម៉ាក តែមានការហៅខុសៗគ្នា
អត្ថបទ៖ ដារ៉ាឆានី