រូបភាពខ្លោចចិត្តពីកន្លែងបង្វឹកសត្វស្វានៅចិន ទុកសម្ដែងថ្ងៃចូលឆ្នាំ
- 2016-02-06 18:30:38
- ចំនួនមតិ 0 | ចំនួនចែករំលែក 0
រូបភាពខ្លោចចិត្តពីកន្លែងបង្វឹកសត្វស្វានៅចិន ទុកសម្ដែងថ្ងៃចូលឆ្នាំ
ចន្លោះមិនឃើញ
ខាងក្រោមនេះគឺជារូបភាពបង្ហាញពីជីវិតសត្វស្វាជាច្រើនក្បាលក្នុងភូមិមួយនៃប្រទេសចិន ដែលត្រូវបានគេបង្វឹកតាំងពីព្រឹកដល់យប់ ដើម្បីត្រៀមសម្ដែងរកប្រាក់ពីភ្ញៀវទេសចរ។
ពាក់ច្រវាក់ដែកជាប់នឹងក សត្វស្វាទាំងអស់បានឱបគ្នានិងសម្លឹងមើលដោយភាពភ័យខ្លាចទៅកាន់អ្នកបង្វឹក ដែលនឹងបង្ខំពួកវាឲ្យជិះកង់ ឈរដោយប្រើដៃ ដើរលើជើងឈើ និងមានទាំងត្រែះកាំបិត ដោយឈរទប់លំនឹងលើក្ដារដែលមានបាល់ពីក្រោមទៀតផង។
មុខរបរដែលមានអាយុកាលរាប់សតវត្សមកហើយនេះ ស្ថិតនៅក្នុងភូមិ Baowan តំបន់ Xinye នៃខេត្ត Henan ដែលជាតំបន់ដាច់ស្រយាល ហើយដីមិនអំណោយផលសម្រាប់ការដាំដំណាំ។
ខណៈឆ្នាំថ្មី ដែលជាឆ្នាំវក ជិតចូលមកដល់ អ្នកភូមិនៅទីនោះ រំពឹងទុកថា ពួកគេនឹងអាចរកចំណូលបានក្រែលពីមុខរបរមួយនេះ ដោយនឹងមានរៀបចំការសម្ដែងប្រកួតប្រជែងរបស់សត្វស្វាផងដែរ។
លោក Zhang Junran ជាប្រធានសមាគមបង្កាត់ពូជស្វានៃតំបន់ Xinye បានទទួលស្គាល់ថាការបង្វឹកសត្វស្វាជាង៤០០ក្បាលក្នុងភូមិ Baowan នេះពិតជាធ្លាប់មានបញ្ហាចម្រូងចម្រាសច្រើនមែន។ ក៏ប៉ុន្តែលោកបាននិយាយថាស្ថានភាពក្នុងបច្ចុប្បន្ននេះបានផ្លាស់ប្ដូរ ដោយម្ចាស់ស្វា បានបន្ធូរបន្ថយលើការបង្វឹក និងយកចិត្តទុកដាក់ជាងមុនលើស្ថានភាពរស់នៅនៃសត្វស្វារបស់ពួកគេ ៕
ប្រែសម្រួល៖ វ៉ាន់ថន ប្រភព៖dailymail