គ្រូ Barca ថានឹងស៊ី Valencia ទៀត ដើម្បីឡើងវគ្គផ្ដាច់ព្រ័ត្រយប់នេះ!
- 2016-02-10 23:02:24
- ចំនួនមតិ 0 | ចំនួនចែករំលែក 0
គ្រូ Barca ថានឹងស៊ី Valencia ទៀត ដើម្បីឡើងវគ្គផ្ដាច់ព្រ័ត្រយប់នេះ!
ចន្លោះមិនឃើញ
Luis Enrique អ្នកចាត់ការក្រុម FC Barcelona បានលើកឡើងថា ក្រុមអ្នកមានបុណ្យរបស់លោកមិនប្រោសប្រណីដល់ Valencia ទេក្នុងការប្រកួត Copa del Rey វគ្គពាក់កណ្ដាលផ្ដាច់ព្រ័ត្រជើងទី២យប់នេះ ទោះជើងទី១នៅ Nou Camp ស៊ី ៧-០ រួចហើយក៏ដោយ។
អ្នកចាត់ការសញ្ជាតិអេស្ប៉ាញបញ្ជាក់ថា ក្រុមលោកត្រូវតែឈ្នះទៀត៖ "វានឹងមិនមែនជាការប្រកួតងាយស្រួលឡើយ ប៉ុន្តែវាជាឱកាសដ៏ល្អសម្រាប់ពួកយើង ដើម្បីសាកល្បង។ យើងត្រូវតែបំភ្លេចលទ្ធផលកាលជើងទី១ និងត្រូវធ្វើដំណើរទៅលេងដើម្បីជ័យជម្នះដូចពួកយើងធ្លាប់ធ្វើដដែល”។
Barca ដែលសង្ឃឹមឡើងផ្ដាច់ព្រ័ត្រ ដើម្បីការពារតំណែងជើងឯករបស់ខ្លួននោះ ពុំមានកីឡាករឆ្នើមរូបណា របួសគួរឲ្យបារម្ភខ្លាំងទេ ខណៈដែល Lionel Messi ដែលអវត្តមានមិនបានហ្វឹកហាត់កាលថ្ងៃចន្ទ ដោយសារបញ្ហាតម្រងនោម ក៏នឹងធ្វើដំណើរទៅជាមួយក្រុមផងដែរ ប៉ុន្តែដោយសារលទ្ធផលជើងទី១ ឈ្នះច្រើនគ្រាប់ហើយ ដូច្នេះអ្នកចាត់ការវ័យ៤៥ឆ្នាំ អាចនឹងឲ្យកីឡាករឆ្នើមរូបនេះសម្រាកនៅកៅអីបម្រុងសិន។
ការប្រកួតនឹងត្រូវធ្វើឡើងនៅកីឡដ្ឋាន Mestalla នាវេលាម៉ោង០៣:០០នាទីយប់នេះ៕
-ចុចអាន៖ Messi ដេញថ្លៃលើ CR7 ទិញយកឡានថ្លៃបំផុតលើលោក
ប្រែសម្រួល៖ វិន ជីវ័ន្ត ប្រភព៖ fcbarcelona