កែវ វាសនា ឡើងស៊េរីរថយន្តមានតម្លៃជិត ១០ម៉ឺនដុល្លារ

2016-02-12 13:11:56
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងចំណូលថ្មីរបស់ផលិតកម្មថោន កែវ វាសនា ថ្មីៗនេះបានប្ដូររថយន្ត LEXUS RX 330 មកជិះ Toyota Land Cruiser ដែលមានតម្លៃរហូតដល់ទៅជាង៧ម៉ឺនដុល្លារ។

តាមការឲ្យដឹងពីលោក កែវ វាសនា រថយន្តដែលខ្លួនទើបតែប្ដូរនោះគឺម៉ាក Toyota Land Cruiser សេរីឆ្នាំ២០១១ មានតម្លៃ ៧៦០០០ ដុល្លារ ដោយលោកទើបតែទិញជិត២ខែមុននេះប៉ុណ្ណោះ។ មុនឈានមកប្ដូរ Land Cruiser អតីតតារាចម្រៀងរបស់ផលិតកម្មសាន់ដេម្នាក់នេះ ជិះរថយន្ត LEXUS RX 330 មានតម្លៃជាង៣ម៉ឺនដុល្លារ ហើយលោកទើបតែលក់ចេញ។ “ LEXUS RX 330 ខ្ញុំលក់បាន២៩ជាង កាលទិញ ៣០ជាង ខាតគួរសមដែរ " កែវ វាសនា ថ្លែង។

ការសម្រេចចិត្តមកប្ដូររថយន្តថ្មីនេះ ត្រូវបានលោក កែវ វាសនា បញ្ជាក់ថា ក៏ព្រោះតែខ្លួនចង់សាកម៉ូដែលមួយនេះ ហើយម្យ៉ាងទៀត រថយន្តមួយនោះ ធំទូលាយជាង ងាយស្រួលក្នុងការចុះឡើងច្រៀងនៅតាមខេត្ត។

Toyota Land Cruiserសេរី២០១១ មិនមែនជារថយន្តចុងក្រោយឡើយ ប្រសិនបើថ្ងៃក្រោយទីផ្សារសិល្បៈរបស់លោកកាន់ប្រសើរ កែវ វាសនា ថ្លែងថា អាចនឹងប្ដូរ សេរីខ្ពស់ជាងនេះថែមទៀត។ "ទុកយូរខាតច្រើនបង បើយើងរកបានច្រើន ចង់ជិះអាល្អជាងនេះដែរហ្នឹង តែលូវជិះវាសិន" ម្ចាស់បទ"កូឡាបពុលដី" ថ្លែងទាំងសំណើច៕