Ronaldo ថតស្ប៉ត១នេះ ធ្វើឲ្យ Fans មួយចំនួនមិនពេញចិត្ត

2016-02-12 16:49:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានបង្ហាញខ្លួនក្នុងស្ប៉តពាណិជ្ជកម្មរបស់ក្រុមហ៊ុន Telecom HOT ប្រទេសអ៊ីស្រាអែលកាលពីថ្ងៃចន្ទ ប៉ុន្តែក្រោយចេញស្ប៉តនេះហើយ ធ្វើឲ្យអ្នកគាំទ្រតារាឆ្នើមក្រុម Real Madrid រូបនេះមួយចំនួនមិនពេញចិត្ត និងថែមទាំងមានអ្នកខ្លះថាឈប់គាំទ្រ ហើយទៅគាំទ្រ Lionel Messi វិញទៀតផង។

ឈុតស្ប៉តវីដេអូខ្លីនោះ ចាប់ផ្ដើមឡើងដោយមានកីឡាករក្រុមនៅប្រទេសអ៊ីស្រាអែល៣នាក់ និយាយគ្នាពីល្បឿនអ៊ីនធឺណិត នៅក្នុងបន្ទប់ផ្លាស់សំលៀកបំពាក់របស់ក្លឹប ខណៈដែលពួកគេកំពុងមើល Ronaldo លេងតាម Online។ ក្រោយមកពួកគេ បានឃើញព័ត៌មានមួយគឺ ក្លឹបបានទិញកីឡាករបរទេសថ្មីចូល ហើយរំពេចនោះក៏ភ្ញាក់ផ្អើល ព្រោះម្នាក់នោះជា CR7។

យ៉ាងណា ពេលកីឡាករជម្រើសជាតិព័រទុយហ្គាល់ ដើរចូលទៅក្លឹបនេះ ពួកគេទាំងអស់គ្នាបែរជានិយាយពីរឿងល្បឿនអ៊ីនធឺណិត ជាជាងនិយាយពីការផ្ទេរទៅលេងនៅអ៊ីស្រាអែល។ កត្តាដែលធ្វើឲ្យអ្នកគាំទ្រ CR7 ជាច្រើនមិនពេញចិត្ត ក៏ដោយសារបញ្ហានយោបាយ ដែលប្រទេសមួយចំនួនស្អប់ប្រទេសអ៊ីស្រាអែលខ្លាំង ដូចជាប្រទេសប៉ាឡេស្ទីនជាដើម។

អ្នកគាំទ្រជាច្រើន បានបញ្ចេញប្រតិកម្មលើ Twitter ដោយអ្នកខ្លះបង្ហាញពីអារម្មណ៍ខកចិត្ត និងអស់ការគោរពដល់ Ronaldo ខណៈដែលខ្លះទៀត បញ្ចេញមតិថា ពួកគេបែរទៅគាំទ្រគូប្រជែងរបស់តារាឆ្នើមរូបនេះគឺ Messi វិញហើយ៕