ភ្នំពេញនឹងផ្សាយផ្ទាល់កម្មវិធីពានរង្វាន់ពិភពលោកអូស្ការ
- 2016-02-12 21:18:41
- ចំនួនមតិ 0 | ចំនួនចែករំលែក 0
ភ្នំពេញនឹងផ្សាយផ្ទាល់កម្មវិធីពានរង្វាន់ពិភពលោកអូស្ការ
ចន្លោះមិនឃើញ
នៅថ្ងៃទី២៩ ខែកុម្ភៈ នេះ នឹងមានកម្មវិធីប្រគល់ពានរង្វាន់ហូលីវូដផ្សាយបន្តផ្ទាល់ Oscar Live នៅភ្នំពេញ ដែលរៀបចំដោយ Cambodia Oscar Selection Committee (COSC) ដើម្បីឲ្យអ្នកនៅកម្ពុជា អាចទស្សនាខ្សែភាពយន្តល្បីៗដែលទទួលបានពានរង្វាន់ពិភពលោក អូស្ការ។
COSC រៀបចំកម្មវិធីនេះរៀងរាល់ឆ្នាំ ដើម្បីជួយគាំទ្រដល់ផលិតករកុនខ្មែរ និងជួយស្តារឧស្សាហកម្មកុនខ្មែរ ខណៈដែលនេះជាលើកទី៧ហើយ ដែលមានកម្មវិធីផ្សាយបន្តផ្ទាល់ពីហូលីវូដនេះនៅទីក្រុងភ្នំពេញ។
មនុស្សជាង៣០០នាក់ ត្រូវគេរំពឹងថានឹងចូលរួមកម្មវិធីនេះ នៅសណ្ឋាគារ Le Grand Palais Boutique Hotel ដែលពីមុនជាកន្លែងមើលកុនឈ្មោះ Hawaii Cinema ក្នុងសម័យសង្គមនិយម ក្នុងនោះនឹងមានវត្តមានរបស់អ្នកមានបណ្ដាស័ក្ដិ និងតារាល្បីៗ។
Cambodia Oscar Selection Committee (COSC) ជាក្រុមតែមួយគត់ដែលអាចផ្ញើខ្សែភាពយន្តខ្មែរទៅកាន់អូស្ការសម្រាប់ពានរង្វាន់ខ្សែភាពយន្តជាភាសាបរទេស។
Oscar Live នឹងចាប់ផ្ដើមនៅម៉ោង៨ព្រឹក។ អ្នកចូលរួមក៏អាចសរសេរបោះឆ្នោតរឿងកុនដែលខ្លួនពេញចិត្តផងដែរ។ កម្មវិធីនេះមានការចាប់រង្វាន់ និងលេងហ្គេមជាច្រើន ហើយពេលចប់កម្មវិធី អ្នករាល់គ្នានឹងត្រលប់ទៅវិញដោយភាពសប្បាយរីករាយ។
សំបុត្រទស្សនាអាចរកទិញបាននៅហាងនំហូលីវូដ ដែលមានអាសយដ្ឋានផ្ទះលេខ៧២ ផ្លូវលេខ១៥៤ ឬទាក់ទងលេខទូរសព្ទ ០២៣ ៥១ ១១ ៨៨៨។
សម្រាប់ព័ត៌មានបន្ថែម សូមចូលទៅកាន់ www.facebook.com/page/Cambodia-Oscar-Selection-Committee-COSC ឬទាក់ទងផ្ទាល់មកកាន់៖
MARIAM ARTHUR Chair, COSC ទូរសព្ទ៖ 012 54 30 74 អ៊ីមែល៖ theroadgyspy@gmail.com
ដើម្បីចុះឈ្មោះជាអ្នកសារព័ត៌មាន សូមទាក់ទងលោក មីន ជីវ តាមរយៈទូរសព្ទ 012 96 24 55 ៕
អត្ថបទ៖ ដៃគូសហការ