ភ្នាក់ងារ ៖ ប្លង់ថតភាពយន្ត Angelina Jolie នៅបាត់ដំបងព្រឹកនេះ គឺឈុតជម្លៀសប្រជាជនចេញពីក្រុង
- 2016-02-12 22:07:37
- ចំនួនមតិ 0 | ចំនួនចែករំលែក 0
ភ្នាក់ងារ ៖ ប្លង់ថតភាពយន្ត Angelina Jolie នៅបាត់ដំបងព្រឹកនេះ គឺឈុតជម្លៀសប្រជាជនចេញពីក្រុង
ចន្លោះមិនឃើញ
ប្រមាណជា១សប្ដាហ៍មកហើយ ដែលភាពយន្តផលិតដោយតារាលំដាប់ពិភពលោក Angelina Jolie បាន និងកំពុងថតក្នុងខេត្តបាត់ដំបង។ នៅថ្ងៃនេះ តាមលោក ណារ័ត្ន ជាភ្នាក់ងាររាយការណ៍ពីខេត្តបាត់ដំបង តាមសំដីសមត្ថកិច្ចរក្សាសណ្ដាប់ធ្នាប់នៅជុំវិញបរិវេណថតនោះគឺថា សកម្មភាពដែលចាប់ផ្ដើមតាំងពីព្រលឹមថ្ងៃនេះ គឺឈុតជម្លៀសប្រជាជនចេញពីក្រុង។
លោក ណារ័ត្ន ថ្លែងថា "រូបភាពដែលខ្ញុំផ្ដិតបានពីព្រឹកមិញ គឺគ្រាន់ជាការប្រមូលផ្ដុំកម្លាំង ទើបតែរសៀលនេះ គឺជាឈុតដែលទាហានចូលក្រុង។ ហើយថ្ងៃស្អែក ទើបចាប់ផ្ដើមជម្លៀសប្រជាជនចេញពីក្រុង និងយកទៅសម្លាប់នៅតំបន់អាងកំពីងកំពួយ"។
តាមព័ត៌មាន សកម្មភាពរបស់ក្រុមអ្នកផលិតមកពីបរទេស ថតរឿង “មុនដំបូងខ្មែរក្រហមសម្លាប់ប៉ារបស់ខ្ញុំ” គ្រោងនឹងបញ្ចប់ការថតរបស់ខ្លួននៅក្នុងសប្ដាហ៍ក្រោយនេះ។
ទម្លាយសកម្មភាពថតរឿងរបស់ Angelina Jolie ព្រឹកនេះពីបាត់ដំបង
អត្ថបទ៖ ទារិកា រាយការណ៍ និងថតរូប៖ សេម+ណារ័ត្ន