សេវា Cloud Storage ពេញនិយមទាំង ១០
- 2016-02-13 18:30:48
- ចំនួនមតិ 0 | ចំនួនចែករំលែក 0
សេវា Cloud Storage ពេញនិយមទាំង ១០
ចន្លោះមិនឃើញ
ដោយសារការប្រើប្រាស់ទូរសព្ទមានការកើនឡើងជារៀងរាល់ថ្ងៃ ធ្វើឲ្យការប្រើសេវាកម្មផ្ទុកទិន្នន័យអនឡាញ Cloud Storage កាន់តែទទួលការពេញនិយម។
Cloud Storage ទាំង ១០ នេះទទួលបានភាពល្បីល្បាញពីអ្នកប្រើប្រាស់ជុំវិញពិភពលោកដែលប្រើជាជំនួយសម្រាប់អ្នកប្រើប្រាស់ទូរសព្ទដែលត្រូវការទំហំបន្ថែមងាយស្រួលក្នុងការផ្ទុកទិន្នន័យលើបណ្តាញអ៊ីនធឺណិត។
1/ Dropox
គ្មានការសង្ស័យទេ Dropbox ជាសេវាកម្ម Cloud Storage ល្អបំផុតនៅលើពិភពលោកដែលអាចប្រើប្រាស់គ្រប់ Platform ទាំងអស់។ វាសមញ្ញផ្តល់អ្នកប្រើប្រាស់ទំហំផ្ទុក 2 GB ដោយឥតគិតថ្លៃ។
2/ Google Drive
ជាសេវាកម្មរបស់ក្រុមហ៊ុន Google ដែលផ្តល់ទំហំផ្ទុកទិន្នន័យ 15 GB ដោយឥតគិតថ្លៃ។ លក្ខណៈពិសេសក្រៅពីអាចផ្ទុកទិន្នន័យ សេវាកម្មនេះក៏ចែករំលែកទិន្នន័យគ្នាទៅវិញទៅមកថែមទៀតផង។
3/ Box
Box ជាសេវាកម្មផ្ទុកទិន្ន័យអនឡាញពេញនិយមបំផុតសម្រាប់អ្នកធ្វើអាជីវកម្មជាមួយការផ្តល់ទំហំ 10 GB សម្រាប់ការប្រើប្រាស់។ អ្វីជាគុណវិបត្តិសេវាកម្មមួយនេះ អ្នកប្រើប្រាស់មិនអាច Upload ទិន្នន័យដែលមានទំហំធំលើសពី 250 MB ដែលជាបញ្ហាសម្រាប់អ្នកដែលត្រូវផ្ទុកវីដេអូឬទិន្នន័យធំៗ។
4/ Mega
ជាមួយការទទួលបានទំហំផ្ទុកទិន្នន័យដ៏ធំ 50 GB ដោយឥតគិតថ្លៃ ជាអ្វីដែលអ្នកប្រើប្រាស់ជាច្រើនពេញចិត្តសេវាកម្មរបស់ Mega។
5/ Adrive
Adrive ក៏គួរឲ្យចាប់អារម្មណ៍ដែលផ្តល់ការផ្ទុកទិន្នន័យបានរហូតដល់ 50 GB សម្រាប់ប្រើប្រាស់ដោយឥតគិតថ្លៃ។
6/ Bitcasa
Bitcasa ក៏ជាសេវាកម្ម Cloud Storage ដ៏ពេញនិយមមួយដែលអ្នកប្រើប្រាស់អាចទទួលបានទំហំផ្ទុកទិន្នន័យ 20 GB ដោយឥតគិតថ្លៃ។
7/ Onedrive
ជាសេវាកម្មរបស់ Microsoft ដែលផ្តល់សេវាកម្មផ្ទុកទិន្នន័យ 15 GB ដោយឥតគិតថ្លៃសម្រាប់អ្នកប្រើប្រាស់។ អ្នកប្រើប្រាស់អាចទទួលបានទំហំហ្វ្រីបន្ថែម 8GB ផ្សេងទៀត ដោយគ្រាន់តែណែនាំមិត្តភ័ក្ដិឱ្យប្រើ និងការ sync រូបថតពីអាល់ប៊ុមកាមេរ៉ាទៅក្នុង OneDrive។
8/ SpiderOak
ជាសេវាកម្ម Clould Storeage មួយទៀតដែលអ្នកប្រើប្រាស់អាចទទួល 2 GB សម្រាប់ប្រើប្រាស់ដោយឥតគិតថ្លៃ និងអាចទទួលបានបន្ថែមរហូតដល់ 10 GB នៅពេលដែលណែនាំដល់មិត្តភ័ក្តិផ្សេងៗទៀត។
9/ Tencent Weiyun
Tencent ជាក្រុមហ៊ុនផ្តល់សេវាកម្មអ៊ីនធឺណិតដ៏ធំរបស់ចិន ដែលផ្តល់សេវាកម្មផ្ទុកទិន្នន័យអនឡាញដល់អ្នកប្រើប្រាស់រហូត 10 TB (10240 GB ) ដោយឥតគិតថ្លៃ។
10/ Qihoo 360 Yunpan (Cloud Drive)
Qihoo 360 ក៏ជាក្រុមហ៊ុនអ៊ីនធឺណិតដ៏មានកេរ្តិ៍ឈ្មោះរបស់ចិនមួយទៀតដែលផ្តល់សេវាកម្ម Cloud Storage។ សម្រាប់អ្នកដែលចង់ប្រើសេវាកម្ម Qihoo 360 នឹងទទួលបានការផ្ទុកទិន្នន័យបាន 36 TB (36864 GB)។
សម្រួល៖ ប៊ុណ្ណារ៉ា
ប្រភព៖ 1mtb.com