ការបោះឆ្នោតជ្រើសរើសអត្តពលិកឆ្នើម២០១៥ ចាប់ផ្តើមហើយ
- 2016-02-14 21:49:33
- ចំនួនមតិ 0 | ចំនួនចែករំលែក 0
ការបោះឆ្នោតជ្រើសរើសអត្តពលិកឆ្នើម២០១៥ ចាប់ផ្តើមហើយ
ចន្លោះមិនឃើញ
ការបោះឆ្នោតជ្រើសរើសអត្តពលិកឆ្នើមប្រចាំឆ្នាំ២០១៥បានចាប់ដំណើរការពីពេលនេះហើយតាមរយៈចុច Like តាម Facebook និង SMS ទៅកាន់លេខ ៧២២២ ដែលអាចបោះឆ្នោតបានរហូតដល់ថ្ងៃទី១៧ ខែកុម្ភៈ ឆ្នាំ២០១៦ខាងមុខនេះ។
លោកអ្នកអាចបោះឆ្នោតជ្រើសរើសបានលើពានរង្វាន់ចំនួន៤ផ្នែកគឺ គ្រូបង្វឹកល្អបំផុត អត្តពលិកប្រជាប្រិយបំផុត អត្ថបទកីឡាល្អបំផុត និងរូបថតកីឡាល្អបំផុត។ ចំពោះពានរង្វាន់ផ្នែក កីឡាករឆ្នើម កីឡាការិនីឆ្នើម កីឡាករជនពិការឆ្នើម និងកីឡាការិនីពិការឆ្នើមមិនបោះឆ្នោតឡើយ ពីព្រោះគ្មានបេក្ខភាពប្រកួតប្រជែងឡើយ។
គណៈកម្មាធិការជាតិអូឡាំពិកកម្ពុជាសម្រេចចុងក្រោយថា បេក្ខភាពដណ្តើមពានរង្វាន់គ្រូបង្វឹកល្អបំផុតប្រចាំឆ្នាំមាន១០រូប អត្តពលិកប្រជាប្រិយបំផុតមានបេក្ខភាព៦រូប អត្ថបទកីឡាល្អបំផុតមានចំនួន៤ និងរូបថតកីឡាល្អបំផុតមានចំនួន៦។
ដើម្បីចូលទៅបោះឆ្នោតបាន សូមលោកអ្នកចុចលើ អត្តពលិកឆ្នើមប្រចាំឆ្នាំ២០១៥។ បន្ទាប់មកចុចលើពាក្យ «ចុចចូលដើម្បីបោះឆ្នោតឥឡូវនេះ» ហើយជ្រើសរើសផ្នែកពានណាមួយដើម្បីជ្រើសរើសបេក្ខភាពដែលលោកអ្នកចង់បោះឆ្នោតជូន តាមរយៈការចុច Like (រូបបេះដូង)។ គណនី Facebook មួយ ចុច Like បានតែម្តងគត់។
សូមចូលរួមបោះឆ្នោតឲ្យបានគ្រប់គ្នា ដើម្បីស្វែងរកបេក្ខភាពជយលាភីដ៏ស័ក្តិសមបំផុត។ កម្មវិធីបោះឆ្នោតនេះរៀបចំដោយគណៈកម្មាធិការជាតិអូឡាំពិកកម្ពុជា និងឧបត្ថម្ភដោយ Naga World ព្រមទាំងសហការរៀបចំដោយក្រុមហ៊ុន Sabay៕