កប៉ាល់ប្រែកាយ CF8 របស់ហូឡង់ នឹងកាន់តែទំនើបសម្បូរបែប

2016-02-13 22:06:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នករចនាម៉ូដកប៉ាល់ហូឡង់មួយក្រុម បានចេញគម្រោងផលិតកប៉ាល់ប្រែកាយមួយ ដែលនឹងកាន់តែទំនើបសម្បូរបែបសម្រាប់មហាសេដ្ឋីប្រាក់វាល់លានដុល្លារ ចង់ទិញគ្រាន់ធ្វើដំណើរកម្សាន្ត។

បើតាមគម្រោង កប៉ាល់ទំនើបមួយនេះមានឈ្មោះថា "CF8” ហើយវាមានអាងហែលទឹកដ៏ធំប្រវែងជាង៨៨ម៉ែត្រ ដែលធ្វើជាទឹកធ្លាក់ពីខាងលើ។ ចំណុចពិសេសរបស់វា គឺវាអាចប្រែក្លាយអាងហែលទឹកដ៏ធំនេះ ទៅជាកន្លែងរាំកម្សាន្តសម្រាប់ពិធីជប់លៀងផងដែរ។

CF8 ក៏មានបន្ទប់សម្រាប់ដាក់រថយន្តទំនើបៗបានចំនួន៨គ្រឿង មានបន្ទប់ VIPs ចំនួន៨ ក្រៅពីនោះនៅមានបន្ទប់ទឹកទំនើប កន្លែងហាត់ប្រាណជាមួយបន្ទប់ស្ទីមសូណា និងមានរោងភាពយន្តទៀតផង ដែលនឹងកាន់តែមានភាពងាយស្រួលសម្រាប់អ្នកប្រើប្រាស់ សម្រាប់ធ្វើដំណើរកម្សាន្តលើមហាសមុទ្រធំៗ។

ចំពោះពេលវេលាផលិត លោកនាយកផ្នែកឌីហ្សាញ Jeroen van der Knaap បានបញ្ជាក់ថា ខាងក្រុមហ៊ុនពុំទាន់សម្រេចជាផ្លូវការនៅឡើយទេ ដោយនេះគ្រាន់តែជាជំហានដំបូងនៃគ្រោងការផ្នែករចនាម៉ូដ៕