គ្រូគណិតវិទ្យាអាយុ១សតវត្សហើយ មិនទាន់ចូលនិវត្តន៍ទៀត!

2014-10-23 21:23:04
ចំនួនមតិ 0 | ចំនួនចែករំលែក 0

ចន្លោះមិនឃើញ

"ពាក្យចូលនិវត្តន៍ ជាពាក្យមិនល្អទេ សម្រាប់រូបខ្ញុំ" នេះជាការលើកឡើង របស់អ្នកគ្រូគណិតវិទ្យា ជនជាតិអាមេរិកវ័យ១០០ឆ្នាំ Madeline Scotto។

អ្នកគ្រូគណិតវិទ្យា Madeline Scotto វ័យ១០០ឆ្នាំ

“ខ្ញុំអត់ចង់ឮពាក្យនេះទេ។ មនុស្សមួយចំនួនចូលចិត្តអ្វីពួកគេកំពុងធ្វើ ចំណែកខ្ញុំក៏ចូលចិត្តអ្វីដែលខ្ញុំកំពុងធ្វើដែរ។ ពេលអ្នកពេញចិត្តធ្វើអ្វីមួយ អ្នកនឹងមិនងាយបោះបង់វាចោលទេ"។

លោកយាយគ្រូដែលមានស្រុកកំណើតនៅ Brooklyn ក្នុងទីក្រុង New York រូបនេះ មានកូន៥នាក់ ចៅ៩នាក់ និងចៅទួត ១៩នាក់។ ចំណែកកូនៗរបស់ Scotto ភាគច្រើន ចូលនិវត្តន៍អស់ហើយ ខណៈលោកយាយនៅតែបន្តអាជីពជាគ្រូបង្រៀនដដែល។

Scotto ជាគ្រូបង្រៀននៅសាលាបឋមសិក្សា St. Ephrem ដែលជាកន្លែងលោកយាយចូលរៀនថ្នាក់ទី១ ក្នុងឆ្នាំ១៩២៨។ លោកយាយវ័យច្រើនជាងគេរបស់សាលានេះ បានឈប់បង្រៀនអស់១០ឆ្នាំហើយ ក្រោយឮថាមានបញ្ហា។ ប៉ុន្តែបច្ចុប្បន្ន អ្នកស្រីបង្រៀន៣ថ្ងៃក្នុងមួយសប្ដាហ៍ ហើយបង្រៀនក្មេងៗតែពេលសម្រាកអាហារថ្ងៃត្រង់ប៉ុណ្ណោះ។

"កាលពីឆ្នាំមុនខ្ញុំគិតថា វាមិនអាចទៅរួចទេ ដែលខ្ញុំអាចរស់នៅដល់វ័យ១០០ឆ្នាំ។ ខ្ញុំអង្គុយចុះ ហើយធ្វើលំហាត់គណិតវិទ្យា។ ខ្ញុំមិនជឿថា ខ្ញុំអាចធ្វើបានទេ។ ហេតុនេះហើយ ខ្ញុំក៏សម្រេចចិត្តបង្រៀនជាថ្មី។ ខ្ញុំពិតជាសំណាងណាស់"។

អ្នកគ្រូ Scotto ចាប់ផ្ដើមបង្រៀនក្នុងឆ្នាំ១៩៥៥ ក្រោយគ្រូនៅវិហារសាសនាគ្រិស្ដម្នាក់ បានស្នើអ្នកស្រីជំនួស ព្រោះអ្នកគ្រូមួយចំនួន បានគ្រោះថ្នាក់ចរាចរណ៍។

ប្រភពបានឱ្យដឹងថា នៅថ្ងៃព្រហស្បតិ៍ ទី២៧ ខែតុលា ឆ្នាំ២០១៤ខាងមុខ នឹងមានសិស្សានុសិស្ស និងគ្រូជាច្រើនមកអបអរ ព្រោះជាថ្ងៃកំណើត គម្រប់ខួប១០០ឆ្នាំរបស់អ្នកស្រី៕