គ្រូ Barca ព្រមាន MSN ត្រូវទាត់ប៉េណាល់ទីឲ្យល្អលើកក្រោយ

2016-02-19 20:07:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Luis Enrique អ្នកចាត់ការក្រុម FC Barcelona បានព្រមានដល់ខ្សែប្រយុទ្ធទាំងបី Lionel Messi, Luis Suarez និង Neymar ឲ្យបង្កើនសមត្ថភាពទាត់បាល់ពិន័យ១១ម៉ែត្រ បន្ទាប់ពីរយៈពេលប៉ុន្មានចុងក្រោយនេះ កីឡាករឆ្នើមទាំងបី សុទ្ធតែធ្លាប់ភ្លាត់ទាត់មិនចូលដូចៗគ្នា។

Suarez បានទាត់បាល់ពិន័យ១១ម៉ែត្រមិនចូល កាល Barca ឈ្នះ Sporting Gijon ៣-១ យប់ថ្ងៃពុធកន្លងទៅ ខណៈដែល Neymar បានភ្លាត់កាលទាត់បាល់ពិន័យ១១ម៉ែត្រ ពេលឈ្នះ Valencia ៧-០ នៅ Copa del Rey វគ្គពាក់កណ្តាលផ្តាច់ព្រ័ត្រជើងទី១ កាលដើមខែកុម្ភៈនេះ រីឯ Messi ក៏បានភ្លាត់ កាលប្រកួតឈ្នះ Levante ៤-១ នៅ La Liga កាលចុងខែកញ្ញាផងដែរ។

អ្នកចាត់ការសញ្ជាតិអេស្ប៉ាញ បានប្រាប់ដល់ Mail Online ថា៖ "វាពិតជាពិសេសណាស់ ពេលយើងមាន Messi មិនថាយើងប៉ះក្រុមណាឡើយ។ គ្រាប់បាល់ទី៣របស់ Suarez កន្លងទៅ ពិតជាល្អសម្រាប់យើង ព្រោះវាជួយឲ្យយើងគ្មានសម្ពាធ។ តែយើងត្រូវតែធ្វើឲ្យល្អជាងនេះ ចំពោះការទាត់បាល់ពិន័យ១១ម៉ែត្រ។ យ៉ាងណាយើងនៅតែមានទំនុកចិត្តលើ Luis, Messi និង Neymar”៕

សូមទស្សនាវីដេអូកីឡាករទាំង៣ទាត់បាល់ពិន័យ១១ម៉ែត្រមិនសម្រេចខាងក្រោម៖