សាស្ត្រាចារ្យសាកលវិទ្យាល័យ Oxford ប្រាប់វិធីសាស្ត្របង្រៀនភាសាអង់គ្លេសបានល្អ
- 2016-02-19 23:14:05
- ចំនួនមតិ 0 | ចំនួនចែករំលែក 0
សាស្ត្រាចារ្យសាកលវិទ្យាល័យ Oxford ប្រាប់វិធីសាស្ត្របង្រៀនភាសាអង់គ្លេសបានល្អ
ចន្លោះមិនឃើញ
លោក Oliver Bayley ប្រធានសេវាអប់រំ នៃសាកលវិទ្យាល័យ Oxford University Press នៃចក្រភពអង់គ្លេសបានចែករំលែកពីគន្លឹះធ្វើយ៉ាងណាឲ្យការបង្រៀនភាសាអង់គ្លេសបានល្អ ដើម្បីឲ្យសិស្សងាយចាំចេះ និងយល់នៅពេលរៀនសូត្រ។
ក្នុងឱកាសពិធីការសហការរវាងសាលាអន្តរជាតិញ៉ូវយ៉ក និងសាកលវិទ្យាល័យ Oxford University Press សាស្ត្រាចារ្យ Oliver Bayley បានលើកយកពីការប្រើប្រាស់ចម្រៀងនិងចង្វាក់សម្រាប់ថ្នាក់បឋមសិក្សាភាសាអង់គ្លេស និងការបង្រៀនបែបថ្មី។
លោកថា ដើម្បីឲ្យការបង្រៀនភាសាអង់គ្លេសមានប្រសិទ្ធភាព គ្រូត្រូវមានសមត្ថភាពលើការប្រើប្រាស់ភាសាអង់គ្លេសបានល្អជាមុនសិន ហើយត្រូវចេះមានឆន្ទៈគិតថាធ្វើយ៉ាងណាឲ្យសិស្សដែលរៀនជាមួយទទួលបានចំណេះពេញលេញ។ លើសពីនេះ គ្រូត្រូវមានសិល្បៈក្នុងការផ្ទេរចំណេះឲ្យសិស្សក្នុងការបញ្ចេញកាយវិការ ក៏ដូចជាមានភាពក្លាហាន ទំនុកចិត្ត ព្រមទាំងបង្កើតបរិយាកាសល្អដល់សិស្សក្នុងការសិក្សារៀនសូត្រផងដែរ។
សម្រាប់លោក លី ចាន់ណារិទ្ធ នាយកចាត់ការទូទៅនៃក្រុមហ៊ុន AG Education បានបន្ថែមទៀតថា ដើម្បីក្លាយជាគ្រូដែលមានសមត្ថភាពក្នុងការបង្រៀនបានល្អ ត្រូវចេះសា្រវជ្រាវបន្ថែមនូវចំណេះដឹងថ្មីៗតាមInternet និងបណ្ដុះនូវទឹកចិត្តស្រលាញ់ដោយធ្វើយ៉ាងណាឲ្យសិស្សដែលរៀនជាមួយពិតជាទទួលបានចំណេះពីការបង្រៀនរបស់គ្រូពិតមែន។
សូមទស្សនាវីដេអូ៖
អត្ថបទ៖ លឹម សុនា