ប្រទេសថៃហាមលក់ដូរគ្រឿងស្រវឹងនៅថ្ងៃបុណ្យមាឃបូជា
- 2016-02-22 16:08:17
- ចំនួនមតិ 0 | ចំនួនចែករំលែក 0
ប្រទេសថៃហាមលក់ដូរគ្រឿងស្រវឹងនៅថ្ងៃបុណ្យមាឃបូជា
ចន្លោះមិនឃើញ
ប្រទេសថៃបានដាក់បម្រាមមិនឲ្យមានការលក់គ្រឿងស្រវឹងពេញមួយថ្ងៃ សម្រាប់ថ្ងៃចន្ទ ទី២២ ខែកុម្ភៈ នេះ ដែលត្រូវនឹងថ្ងៃបុណ្យមាឃបូជា។
ការប្រារព្ធបុណ្យមាឃបូជានៅប្រទេសថៃ
តាមការចុះផ្សាយរបស់បណ្ដាញព័ត៌មានថៃ ប៉ូលិសនឹងចុះត្រួតពិនិត្យតាមហាងលក់ទំនិញ ក្លឹបកម្សាន្ត ភោជនីយដ្ឋាន និងទីកន្លែងផ្សេងៗ ដើម្បីទប់ស្កាត់ការលក់ដូរគ្រឿងស្រវឹងនៅថ្ងៃបុណ្យពុទ្ធសាសនានេះ។
លើសពីនេះ ក៏នឹងមានការបង្ក្រាបការបើកបរក្នុងស្ថានភាពស្រវឹងផងដែរ ដោយមានការដាក់កម្លាំងត្រួតពិនិត្យតាមដងផ្លូវ ចាប់ពីពាក់កណ្ដាលយប់ថ្ងៃអាទិត្យ ដល់ពាក់កណ្ដាលយប់ថ្ងៃចន្ទ។ អ្នកបើកបរដែលត្រូវប៉ូលិសរកឃើញថាមានជាតិស្រវឹងនឹងប្រឈមមុខនឹងការជាប់ពន្ធនាគារ៦ខែ រួមទាំង/ឬក៏ផាកពិន័យចំនួន ១ម៉ឺនបាត (ប្រហែល ២៨០ដុល្លារ)។
ទោះយ៉ាងណា នៅតាមអាកាសយានដ្ឋានអន្តរជាតិ នឹងអនុញ្ញាតឲ្យមានការលក់ដូរគ្រឿងស្រវឹងធម្មតា។
ពិធីបុណ្យមាឃបូជាគឺជាពិធីបុណ្យធំសម្រាប់ប្រទេសកាន់ព្រះពុទ្ធសាសនា ដែលប្រារព្ធឡើងជារៀងរាល់ឆ្នាំនៅថ្ងៃ ១៥ កើតខែមាឃ ដើម្បីរំឭកដល់ថ្ងៃដែលព្រះសម្មាសម្ពុទ្ធចេញសាងផ្នួស ថ្ងៃទ្រង់ប្រកាស «ឱវាទបាដិមោក្ខ» បង្កើតព្រះ ពុទ្ធសាសនាក្នុងឋានៈជាអង្គការចាត់តាំងឡើងក្នុងលោក និង ជាថ្ងៃដែលព្រះអង្គកំណត់ពេលវេលានៃការចូលបរិនិព្វាន ៕
ប្រែសម្រួល៖ វ៉ាន់ថន ប្រភព៖bangkok