តាក់ស៊ីអណ្ដើក ធានាថាបើកម៉ាយឺត ម៉ាពេញចិត្ត (វីដេអូ)

2014-10-23 23:31:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនដូចសេវាកម្មតាក់ស៊ីដទៃទេ តាក់ស៊ីអណ្ដើកនៅជប៉ុន បានផ្ដល់ជូនសម្រាប់អ្នកដំណើរណា ដែលមិនប្រញាប់ និងចូលចិត្តជិះយឺត។ អ្វីគួរឱ្យភ្ញាក់ផ្អើលនោះ សេវាកម្មតាក់ស៊ីមួយគ្មានពីរនេះ មានសន្ទុះកើនឡើងគួរឱ្យចាប់អារម្មណ៍ ចាប់តាំងពីបើកដំណើរការ កាលពីខែធ្នូ ឆ្នាំ២០១៣មក។

សេវាកម្មតាក់ស៊ីនេះ បង្កើតឡើងដោយ ក្រុមហ៊ុន Sanwa Kotsu Group ហើយក្រុមហ៊ុននេះ បានបង្រៀនបុគ្គលិករបស់ខ្លួន ឱ្យបើកយឺតៗតាមតែអាចធ្វើបាន។

ពេលអ្នកដំណើរចូលជិះ អ្នកបើកបរនឹងចុចប៊ូតុង Yukkuri មានន័យថាយឺត។ តាក់ស៊ីនេះពេញនិយមណាស់ ចំពោះអតិថិជននៅជប៉ុន ជាពិសេសអ្នកមានផ្ទៃពោះ ម្ដាយនិងកូនតូច និងអ្នកទេសចរ។

“ការចាប់ផ្ដើមនិងការឈប់ មានលក្ខណៈរលូនល្អ មិនមានចលនាក្រឡកអីទេ។ វាអស្ចារ្យ ព្រោះខ្ញុំមិនចង់ឱ្យកូនខ្ញុំភ្ញាក់ ពេលកំពុងដេក"។ អ្នកដំណើរជាមួយកូនអាយុ១ខួប ក្នុងទីក្រុង Yokohama បានលើកឡើងយ៉ាងដូច្នេះ។

តាក់ស៊ីអណ្ដើក (Turtle Taxi) ទទួលបានការវាយតម្លៃស្របច្រើន ហើយសំណើសុំឱ្យក្រុមហ៊ុន បង្កើតសេវានេះបន្ថែម កើនឡើង១៥%កាលពីឆ្នាំទៅមិញ។ ក្រុមហ៊ុនគ្រោងបំពាក់ប្រព័ន្ធនេះ លើតាក់ស៊ីទាំងអស់នៅឆ្នាំក្រោយ ហើយពង្រីកសេវាកម្មបន្ថែម នៅក្នុងទីក្រុង Tokyo, Kanagawa, និងSaitama៕