Rashford ប្រាប់មូលហេតុមិនអាចអបអរ ទោះស៊ុតឲ្យ Man Utd ២គ្រាប់យប់មិញ

2016-02-29 16:07:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Marcus Rashford ខ្សែប្រយុទ្ធវ័យក្មេងក្រុម Manchester United បានប្រាប់មូលហេតុ ដែលរូបគេមិនអាចអបអរ ឬជប់លៀងបន្តទៀតបាន ទោះស៊ុត Arsenal ២គ្រាប់ និង Assist ១ ជួយបិសាចក្រហម ឈ្នះ ៣-២ ក្នុងការប្រកួត Premier League នៅ Old Trafford យប់មិញក៏ដោយ។

Rashford ដែលចេញពីថ្នាលយុវជនក្រុម Man Utd រូបនេះ បានធ្វើឲ្យអ្នកស្នេហាវិស័យបាល់ទាត់ភ្ញាក់ផ្អើលយ៉ាងខ្លាំង បន្ទាប់ពីបង្ហាញខ្លួននៅ UEFA Europa League លើកដំបូងស៊ុតបាន២គ្រាប់ កាលថ្ងៃព្រហស្បតិ៍ និងបង្ហាញខ្លួននៅ Premier League លើកដំបូង ស៊ុត Arsenal បាន២គ្រាប់យប់មិញទៀត។

២ប្រកួត ស៊ុត៤គ្រាប់ មានន័យថាកីឡាករដែលកើតនៅទីក្រុង Manchester រូបនេះ មានកំណត់ត្រាស៊ុតបញ្ចូលទី២០០%។

ស្ថិតក្នុងវ័យ១៨ឆ្នាំ Rashford ត្រូវបានគេជឿថា អាចនឹងក្លាយជាកីឡាករលំដាប់ World Class នាពេលអនាគត។ យ៉ាងណា ខ្សែប្រយុទ្ធមុតស្រួចរូបនេះ កំពុងនៅសិក្សានៅឡើយ និងមានរឿងច្រើននៅបារម្ភទៀត។

ពេលអ្នកសារព័ត៌មានសួរថា តើរូបគេនឹងទៅអបអរការស៊ុតបញ្ចូលទីដ៏អស្ចារ្យក្នុងលីគកំពូលលើកដំបូងនេះ ដោយអាចចេញដើរនៅក្នុងទីក្រុងពេលយប់ទេ? Rashford បានឆ្លើយតប យ៉ាង Cute ថា៖ "ខ្ញុំនឹងមិនអបអរយប់នេះទេ។ ខ្ញុំត្រូវប្រលងគីមីវិទ្យា នៅថ្ងៃស្អែក, Varela ក៏ដូចគ្នា”៕

-ចុចអាន៖ Rashford បំបែកកំណត់ត្រាក្លឹប Man Utd រយៈពេល៥១ឆ្នាំ

ប្រែសម្រួល៖ វិន ជីវ័ន្ត ប្រភព៖ 101greatgoals