កូនភ្លោះសុខភាពប្រក្រតី តែ ឈិន ច័ន្ទសុធារី មានបញ្ហាសុខភាពតិចតួច

2016-03-01 00:19:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានពីមន្ទីរពេទ្យមួយនៅម្ដុំទួលគោក ដែល ឈិន ច័ន្ទសុធារី កំពុងសម្រាកសម្រាលបុត្រភ្លោះនៅទីនោះ បានឲ្យដឹងថា តារាស្រីរូបនេះ បុត្រភ្លោះ បានជួបបញ្ហាសុខភាពបន្តិចបន្តួចអម្បាញ់មិញនេះ ដោយនាងធ្លាក់ឈាមច្រើន ធ្វើឲ្យខ្សោយ។ នេះបើតាមភ្នាក់ងារ Sabay រាយការណ៍។

បុត្រភ្លោះរបស់ ឈិន ច័ន្ទសុធារី

យ៉ាងណា កញ្ញា ទ្រី រ៉ាវី ភ្នាក់ងាររបស់ Sabay ដែលកំពុងមានវត្តមាននៅមន្ទីរពេទ្យខាងលើ បានរាយការណ៍បន្តថា សុធារី បានដឹងខ្លួនវិញហើយក្រោមការយកចិត្តទុកដាក់របស់គ្រូពេទ្យប្រមាណ១ម៉ោង ។ "គាត់ដឹងខ្លួនវិញហើយ គ្រាន់តែកម្រើកខ្លួនអត់ទាន់រួច។ គ្រូពេទ្យប្រាប់ថា សុខភាពគាត់នៅខ្សោយនៅឡើយ ដែលទាមទារការយកចិត្តទុកដាក់ពីគ្រូពេទ្យបន្តទៀត"។

ទោះយ៉ាងនេះក្ដី សុខភាពរបស់បុត្រភ្លោះរបស់ សុធារី និង សុវណ្ណ មករា មានសុខភាពប្រក្រតី។ ឈិន សុធារី បានប្រសូតបុត្រភ្លោះម្សិលមិញនៅមន្ទីរពេទ្យខេមាតាមរយៈវះកាត់ ក្រោយមិនអាចផ្ដល់កំណើតដោយធម្មជាតិបាន។ បុត្រភ្លោះរបស់ អតីតពិធីការិនីទូរទស្សន៍រូបនេះ ប្រុសមួយ ស្រីមួយ(ប្រុសបង និងកូនស្រីប្អូន)៕

អត្ថបទ៖ ទារិកា រាយការណ៍៖ ទ្រី រ៉ាវី