រឿងរ៉ាវ៧យ៉ាងនឹងកើតមាន បើអ្នកចំណាយពេលនៅម្នាក់ឯង

2016-03-09 21:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

យើងរស់នៅក្នុងពិភពលោកតែមួយ តែងតែមានការប្រាស្រ័យទាក់ទង ជួយគ្នាទៅវិញទៅមក ជួបរឿងសប្បាយ ឬទុក្ខជាមួយគ្នា ដោយជៀសមិនផុត តែបើនៅម្នាក់ឯងមួយរយៈ រឿងល្អៗជាច្រើននឹងកើតមានផ្សេងមួយទៀត។ ហេតុផលប៉ុន្មានចំណុចខាងក្រោមនេះ ត្រូវគេសង្កេតឃើញថា ការនៅម្នាក់ឯង អាចធ្វើឲ្យយើងមានអារម្មណ៍ស្ងប់ និងអាចសម្រេចកិច្ចការបានច្រើនជាងមុន ដូចជា៖

១. អ្នកទទួលបានអារម្មណ៍ស្ងប់ ធូរស្បើយ និងស្រស់ស្រាយ

បើលោកអ្នកចំណាយពេលវេលានៅម្នាក់ឯងមួយរយៈ នោះអ្នកនឹងទទួលបានអារម្មណ៍ស្ងប់ស្ងាត់មិនទទួលរឿងស្មុគស្មាញពីខាងក្រៅ និងធ្វើឲ្យអ្នកបានធូរស្បើយពីស្ត្រេសប្រចាំថ្ងៃ។

២. អ្នកអាចធ្វើអ្វី ដែលខ្លួនចង់

ការនៅម្នាក់ឯង ត្រូវគេមើលឃើញថា មនុស្សនោះអាចនឹកឃើញរឿងត្រូវធ្វើអ្វីមួយ ដោយមិនមានការរារាំង បង្អាក់ដំណើរពីភាគីណាមួយឡើយ។

៣. អ្នកអាចរៀនជឿជាក់លើខ្លួនឯង

សេរីភាព ជាអ្វីដែលមនុស្សគ្រប់គ្នាចង់បានខ្លាំង និងជាពេលវេលា ដែលអ្នកធ្វើអ្វីមួយដោយភាពជឿជាក់ ទុកចិត្ត គិតបានវែងឆ្ងាយ ដោយមិនទទួលសម្ពាធពីខាងក្រៅ។ នៅម្នាក់ឯង អាចជួយឲ្យអ្នកយល់អ្វីមួយច្បាស់លាស់ ស៊ីជម្រៅ នូវអ្វីធ្លាប់ដឹង អ្វីល្អចំពោះខ្លួន តែបើមានមនុស្សច្រើនជុំវិញខ្លួន អ្នកនឹងទទួលគំនិតយោបល់ច្រើន ធ្វើឲ្យវង្វេង ស្ទាក់ស្ទើរក្នុងការសម្រេចចិត្ត។

៤. បង្កើនគំនិតវ័យឆ្លាត

គំនិតវ័យឆ្លាត គឺជាសមត្ថភាពក្នុងការទទួលស្គាល់ និងការយល់ឃើញចំពោះខ្លួនឯង និងអ្នកដទៃ ដើម្បីរៀបចំអាកប្បកិរិយា និងទំនាក់ទំនងឲ្យបានល្អ។ ការយល់ឃើញរបស់ខ្លួន ជាមូលដ្ឋានគ្រឹះរបស់គំនិតវ័យឆ្លាត ដែលអ្នកត្រូវតែប្រកាន់ខ្ជាប់។

៥. អ្នកនឹងទទួលការច្នៃប្រឌិតជាងមុន

នៅម្នាក់ឯងមានពេលវេលាច្រើន ធ្វើឲ្យអ្នកកាន់តែមានភាពច្នៃប្រឌិត បង្កើតថ្មី នឹកឃើញធ្វើអ្វីប្លែកៗ គ្មានអ្នករំខាន ដោយដាក់គោលដៅឆ្ពោះទៅមុខតាមបំណងខ្លួនជានិច្ច។

៦. អ្នកកោតសរសើរឲ្យតម្លៃអ្នកដទៃច្រើនជាងមុន

ការមិនបានជួបមុខអ្នកណាម្នាក់ រយៈពេលយូរ បានធ្វើឲ្យការគិត ការគោរពចំពោះគេកាន់តែមានខ្លាំងជាងមុន និងឲ្យតម្លៃគេទៀតផង។

៧. អ្នកមិនចាំបាច់សុំទោសអ្នកណាម្នាក់

នៅពេលចាប់ផ្ដើមនៅម្នាក់ឯង អ្នកនឹងរកឃើញថា អ្នកមិនចាំបាច់សុំទោសចំពោះកំហុសឆ្គងណាមួយពេលកើតមានទេ ទោះខុស ឬត្រូវក៏ដោយ ព្រោះជាឯករាជ្យភាពរបស់ខ្លួន៕