ភីហ្សារសជាតិទុរេនកំពុងពេញនិយមខ្លាំងនៅចិន

2016-03-14 22:30:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នំភីហ្សាធ្វើឡើងដោយមានរសជាតិផ្សំផ្លែទុរេនកំពុងធ្វើឲ្យ អ្នករស់នៅតាមទីក្រុងធំៗមួយចំនួននៅប្រទេសចិន ចង់សាករសជាតិ។ ដោយឡែកបុគ្គលិកសារព័ត៌មាន Wall Street Journal ក៏បានចុះទៅសាករសជាតិនំខាងលើនោះផងដែរ។

នំភីហ្សារសជាតិធូរេនបាននាំយកទៅបណ្ដាហាង Fast Food មួយចំនួននៅប្រទេសចិនដោយក្រុមហ៊ុន Pizza Hut របស់សហរដ្ឋអាមេរិក។ តាមសម្ដីអតិថិជនមួយចំនួនដែលបានទៅសាក បានបង្ហាញពីចំណូលចិត្តខុសគ្នានៃរសជាតិនំ។ អ្នកបានទៅភ្លក់នំភីហ្សាខាងលើម្នាក់បានឲ្យដឹងថា៖ " វាពុំមានរសជាតិជាប់មាត់ដូច ផ្លែទុរេនពិតៗនោះទេ។ វាល្អសម្រាប់អ្នកទើបចាប់ផ្ដើមញ៉ាំទុរេន ប៉ុន្តែសម្រាប់ខ្ញុំចូលចិត្តទុរេនរសជាតិខ្លាំងនិងក្លិនរបស់វា"។

បុគ្គលិកសារព័ត៌មាន Wall Street Journal ១០នាក់ ដែលបានសាករសជាតិនំភីហ្សាទុរេន បួននាក់បានលើកមេដៃឡើងជាសញ្ញាសរសើរពីរសជាតិនំ បុគ្គលិកបីនាក់មិនបង្ហាញថារសជាតិធម្មតា បីនាក់ទៀតនិយាយថានំរសជាតិគួរឲ្យចាប់អារម្មណ៍។

ដោយឡែក តាមការឲ្យដឹងពីអ្នកនាំពាក្យក្រុមហ៊ុនមេនៃ Pizza Hut បានឲ្យដឹងថា ក្រុមហ៊ុនបានសាកល្បងរូបមន្តនំនៅក្នុងខេត្ត Guangdongប្រទេសចិន កាលពីឆ្នាំមុន មុនពេលលក់ក្នុងទីក្រុងមួយចំនួននៅចិនក្នុងឆ្នាំនេះ។ ចំពោះនំភីហ្សារសជាតិទុរេនកំពុងពេញនិយមពីសំណាក់អតិថិជននាភាគខាងត្បូងប្រទេសចិន។

បើតាមសម្ដីចុងភៅនំភីហ្សាម្នាក់នៅហាងនំភីហ្សាមួយក្នុងទីក្រុងប៉េកាំង បានឲ្យដឹងថា មកទល់ពេលនេះនំភីហ្សារសជាតិទុរេនលក់ដាច់ខ្លាំងចំពោះអតិថិជនចិនដែលចាប់ផ្ដើមចូលចិត្តផ្លែទុរេន។ ចុងភៅដដែលបន្ថែមថា៖ " ខ្ញុំខ្លួនឯងមិនអាចទប់ក្លិនទុរេនបានទេ នៅពេលមនុស្សជាច្រើនកុម្ម៉ង់ទិញនំនោះ។ ខ្ញុំត្រូវការជំនួយការពេលចម្អិនវា"។

ចំពោះតម្លៃនំភីហ្សារសជាតិធូរេននៅប្រទេសចិន គឺ៥៩យាន់ (៩,០៨ដុល្លារ) សម្រាប់នំមួយរសជាតិទុរេនម្ខាងនិងរសជាតិ Hawaiian ម្ខាង និង៩៧យាន់( ១៤,៩៤ដុល្លារ) សម្រាប់នំភីហ្សា Stuffed-crust រសជាតិទុរេនសុទ្ធ៕