កាំភ្លើងតូចបំផុតក្នុងលោក ទំហំប៉ុនចិញ្ចៀន ដាក់លក់ដេញថ្លៃ
- 2016-03-15 17:41:36
- ចំនួនមតិ 0 | ចំនួនចែករំលែក 0
កាំភ្លើងតូចបំផុតក្នុងលោក ទំហំប៉ុនចិញ្ចៀន ដាក់លក់ដេញថ្លៃ
ចន្លោះមិនឃើញ
កាំភ្លើងតូចបំផុតក្នុងពិភពលោកដែលមានទំហំប៉ុនក្រចកម្រាមដៃ ត្រូវបានដាក់លក់ដេញថ្លៃក្នុងពេលថ្មីៗនេះ។ នេះបើតាមសារព័ត៌មានអង់គ្លេស Daily Mail ។
កាំភ្លើងតូចម៉ាក Le Petit Protector គឺជាចិញ្ចៀនកាំភ្លើងកម្រមួយរបស់ប្រទេសបារាំងនាសតវត្សទី១៩ ដែលគេប្រើប្រាស់វាជាគ្រឿងអលង្ការ។ ពេលនេះ Le Petit Protector កំពុងត្រូវបានដាក់លក់ក្នុងវិបសាយលក់ដេញថ្លៃទំនិញនៅអឺរ៉ុប Catawiki ដោយរំពឹងថានឹងលក់បានតម្លៃ ១៥០០ផោន (២១៤១,៩៣ដុល្លារ)
ចំពោះលក្ខណៈរបស់ចិញ្ចៀនកាំភ្លើង Le Petit Protector គឺអាចបំពេញគ្រាប់ទំហំ៤មិល្លីម៉ែត្រ និងអាចបាញ់មួយគ្រាប់ត្រង់ចេញពីប្រអប់ដៃដោយអាចទម្លុះកំប៉ុងដែកមួយបាន។ រហូតមកដល់ពេលនេះ Le Petit Protector បានដាក់លក់លើវិបសាយខាងលើ ចាប់ពីថ្ងៃពីសុក្រទី១១ មិនា កន្លងទៅរហូតដល់ថ្ងៃសុក្រ ១៨ មិនា ២០១៦នេះ៕
ប្រែសម្រួល៖ មាន រតនា ប្រភព៖ dailymail