អស់ទាស់! លោកយាយ៨៧ឆ្នាំ បញ្ចេញក្បាច់គុន កុងហ្វូ

2016-03-20 18:10:08
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយសញ្ជាតិចិនវ័យ៨៧ឆ្នាំម្នាក់ បានហាត់ប្រាណ ដោយបញ្ចេញក្បាច់គុនកុងហ្វូ ដើម្បីជម្នះពីជំងឺដ៏កាចសាហាវដាច់សរសៃឈាមខួរក្បាល ដែលលោកយាយកំពុងជួបប្រទះ ធ្វើឲ្យមនុស្សជាច្រើនស្ងើចសរសើរ ពីភាពរឹងមាំរបស់លោកយាយយ៉ាងខ្លាំង។

ក្នុងវីដេអូខ្លីជាងកន្លះនាទី ដែលត្រូវបានគេបង្ហោះលើបណ្ដាញសង្គម បានឲ្យឃើញថាលោកយាយ Liu Xiuying មកពីខេត្ត Hubei បានលើកជើងរបៀបក្បាច់គុនកុងហ្វូង ហួសក្បាលរបស់លោកយាយទៀត ដោយដាក់ជើងលើបង្គោលមួយ នៅមុខផ្ទះរបស់លោកយាយ នៅទីក្រុង Wuhan។

មិនត្រឹមតែប៉ុណ្ណោះ លោកយាយ Xiuying ក៏បានបញ្ចេញក្បាច់ទាត់ដៃខ្លួនឯង និងពត់ហែកជើងរាបដល់កម្រាលឥដ្ឋ ក្នុងផ្ទះរបស់លោកយាយទៀតផង។

ទោះបីមានវ័យដល់ទៅ៨៧ឆ្នាំ និងមានជំងឺសរសៃឈាមខួរក្បាលមែន ប៉ុន្តែលោកយាយ Xiuying ក៏នៅតែបង្ហាញពីភាពរឹងមាំ ដោយបច្ចុប្បន្នលោកយាយកំពុងហ្វឹកហាត់ក្បាច់គុនកុងហ្វូ ហាត់ប្រដាល់ ដាំបន្លែនៅសួនច្បារក្រោយផ្ទះ និងចម្អិនអាហារដោយខ្លួនឯងផងដែរ៕