បាល់ទះឆ្នេរខ្សាច់ត្រៀមខ្លួនទៅប្រកួតជើងឯកអាស៊ី នៅថៃ
- 2014-10-25 15:03:18
- ចំនួនមតិ 0 | ចំនួនចែករំលែក 0
បាល់ទះឆ្នេរខ្សាច់ត្រៀមខ្លួនទៅប្រកួតជើងឯកអាស៊ី នៅថៃ
ចន្លោះមិនឃើញ
ក្រុមបាល់ទះឆ្នេរខ្សាច់របស់កម្ពុជា កំពុងតែសំងំហ្វឹកហាត់នៅឆ្នេរខ្សាច់ខេត្តកែប ដើម្បីត្រៀមខ្លួនទៅចូលរួមប្រកួតក្នុងពានរង្វាន់ Asian Beach Games លើកទី ៤ ដែលរៀបចំនៅទីក្រុងភូកេត ប្រទេសថៃ ក្នុងខែ វិច្ឆិកា ខាងមុខ។
ទិដ្ឋភាព ហ្វឹកហាត់របស់កីឡាករ (រូចថត៖ NOCC)
លោក ជុំ រដ្ឋា គ្រូបង្វឹក កីឡាបាល់ទះឆ្នេរខ្សាច់កម្ពុជា កំពុងតែដឹកនាំកីឡាករ ៤ នាក់ ចែកជា ២ ក្រុមទៅហ្វឹកហាត់លើឆ្នេរពិត ទាំងទ្រឹស្ដី និង ការអនុវត្តន៍ ស្របពេលកីឡាករ ២ នាក់គឺ ស៊ឹម ឃ្លោក និង កីឡាករ លឹម សំអាត មានឈ្មោះចេញទៅក្រៅប្រទេសជើងនេះ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិក ធ្លាប់វាយតម្លៃថា ក្រុមបាល់ទះឆ្នេរខ្សាច់របស់កម្ពុជា អាចមានសមត្ថភាពប្រកួតប្រជែងជាមួយប្រទេសក្នុងទ្វីបអាស៊ី មួយចំនួនបាន បន្ទាប់ពីឆ្លងកាត់ការប្រកួតនៅពានរង្វាន់កីឡាទ្វីបអាស៊ី Asian Games នៅប្រទេសកូរ៉េខាងត្បូង កាលពីខែ មុនរួចរាល់ មានឈ្នះ និង មានចាញ់ ទោះមិនបានដណ្ដើមមេដាយកាលនោះក៏ដោយ។
តាមគម្រោង ពានរង្វាន់ Asian Beach Games លើកទី ៤ ក្នុងឆ្នាំ ២០១៤ នេះ នឹងរៀបចំចាប់ពីថ្ងៃទី ១៤ ដល់ ២៣ ខែវិច្ឆិកា ឆ្នាំ ២០១៤ ដោយមានប្រទេសចំនួន ៤៥ ក្នុងទ្វីបអាស៊ី ចូលរួមប្រកួត៕
អត្ថបទ៖ ម៉ឺន រស្មី