Victor Valdes ចូលហាត់នៅ Man Utd ត្រៀមបង្កភាពភ្ញាក់ផ្អើល
- 2014-10-25 15:57:40
- ចំនួនមតិ 0 | ចំនួនចែករំលែក 0
Victor Valdes ចូលហាត់នៅ Man Utd ត្រៀមបង្កភាពភ្ញាក់ផ្អើល
ចន្លោះមិនឃើញ
Victor Valdes បានចូលហ្វឹកហាត់ជាមួយក្រុមឈុតធំរបស់ Manchester United នៅទីលានហ្វឹកហាត់ Carrington កាលពីថ្ងៃសុក្រម្សិលមិញ ហើយអាចនឹងចុះកុងត្រាដ៏គួរឲ្យភ្ញាក់ផ្អើលនៅ Old Trafford ក្នុងរយៈពេល២សប្ដាហ៍ទៀត។
Valdes ធ្វើដំណើរដល់ ទីលានហ្វឹកហាត់របស់ Man Utd
អតីតអ្នកចាំទីយូរឆ្នាំរបស់ Barcelona ដែលបច្ចុប្បន្នជាកីឡាករ free agent (មិនជាប់កុងត្រា) ត្រូវបានគេរាយការណ៍ថាកំពុងពិភាក្សាជាមួយអ្នកចាត់ការបិសាចក្រហម Louis van Gaal ទាក់ទងនឹងរឿងកុងត្រា។ ចំណែកទីភ្នាក់ងាររបស់រូបគេ ក៏កំពុងជួបនិយាយជាមួយបុគ្គលសំខាន់ផ្សេងទៀតនៅក្នុងក្លិបទាក់ទងនឹងរឿងនេះដែរ។
របួសជង្គង់របស់អ្នកចាំទីវ័យ៣២ឆ្នាំរូបនេះ កំពុងត្រូវបានពិនិត្យដោយក្រុមគ្រូពេទ្យរបស់ Man Utd មុនការចុះកិច្ចសន្យាជាផ្លូវការ។ មុនសម្រេចចិត្តចូលហ្វឹកហាត់ជាមួយក្រុមបិសាចក្រហម Valdes ក៏ត្រូវត្រូវបាន Liverpool និង Bayern Munich ចាប់អារម្មណ៍ផងដែរ។
Valdes របួសជង្គង់ធ្ងន់ធ្ងរកាលពីខែមិនា
Valdes បានចូលលេងឲ្យតែក្លិប Barcelona មួយប៉ុណ្ណោះ ចាប់ពីឆ្នាំ២០០២ ដល់២០១៤ ដោយចូលលេងបានដល់ទៅ៥៣៥ប្រកួត។ អ្នកចាំទីដែលអាចបង្ហាញខ្លួនឲ្យក្រុមជម្រើសជាតិអេស្ប៉ាញបាន២០ប្រកួតរូបនេះ ធ្លាប់ឈ្នះពានអ្នកចាំទីល្អប្រចាំ La Liga ៥ដង និងជាប់ជាអ្នកចាំទីដែលចូលលេងបានច្រើនប្រកួតជាងគេប្រចាំប្រវត្តិសាស្រ្ដ Barca ផងដែរ៕
ចុចអាន៖ Man Utd ត្រូវដោះស្រាយរឿង៥យ៉ាងនេះ បើចង់ស្ដារមុខមាត់វិញ
ដោយ៖ សុខ សុវត្ថិ
ប្រភព៖ dailymail