៤ ចំណុចមុនឈានចុះកិច្ចសន្យាទិញផ្ទះ ចៀសវាងមានវិវាទទៅថ្ងៃក្រោយ
- 2016-03-25 21:31:46
- ចំនួនមតិ 0 | ចំនួនចែករំលែក 0
៤ ចំណុចមុនឈានចុះកិច្ចសន្យាទិញផ្ទះ ចៀសវាងមានវិវាទទៅថ្ងៃក្រោយ
ចន្លោះមិនឃើញ
ក្រោយពិចារណាពីប្រភេទផ្ទះ ដែលចង់ទិញរួចហើយ ចំណុចបន្ទាប់ដែលអ្នកទិញត្រូវគិតគូរបន្តគឺការចុះកិច្ចសន្យា។ដើម្បីចៀសវាងវិវាទមុនឈានចុះកិច្ចសន្យាទិញផ្ទះ លោក ឌី សុភ័ណ្ឌ អ្នកប្រឹក្សាផ្នែកអចលនទ្រព្យ នៃក្រុមហ៊ុនអចលនទ្រព្យកម្ពុជា ស៊ីភីអិល បានប្រាប់ថា មានចំណុច ២សំខាន់ត្រូវពិចារណា៖
១/ ប្រភេទនៃប័ណ្ណកាន់កាប់៖ ជាចំណុចសំខាន់មិនអាចខ្វះបាន គឺប្លង់ឯកសារនេះតែម្ដង។ អ្នកទិញត្រូវប្រាកដថា ជាប្លង់រឹង ឬទន់។ ផ្ទះដែលមានប្លង់រឹង គឺមានការទុកចិត្តប្រសើរជាងប្លង់ទន់។ បន្ទាប់មកផ្ទៀងផ្ទាត់ភាពពិតប្រាកដរបស់ប្លង់និងទំហំផ្ទះពិតប្រាកដថា ដូចគ្នាឬទេ។
លោកបានលើកពីបទពិសោធន៍មួយថា ជួនកាលទំហំផ្ទះធំជាងនៅក្នុងប្លង់ គឺទំហំផ្ទះ 5x18m តែពេលក្នុងប្លង់តែ4.50x 18m ក៏មាន ដែលធ្វើឲ្យប៉ះពាល់ទៅថ្ងៃក្រោយ ដោយសារទំហំផ្ទះនិងប្លង់មិនត្រូវគ្នា។
២/ ត្រូវច្បាស់ថា តើផ្ទះមានជាប់បំណុល ឬដាក់បញ្ចាំឬទេ។ប្រសិនបើមាន គេត្រូវតែដោះបន្ទុកនេះឲ្យជ្រះស្រឡះជាមុនសិន មុននឹងចុះកិច្ចសន្យាទិញ។
៣/ ប្រវត្តិផ្ទះ៖ ត្រូវច្បាស់ថា តើផ្ទះនេះបានផ្ទេរជាដំណតៗគ្នាប៉ុន្មានដំណាក់មកហើយៗ។ ក្នុងដំណាក់នីមួយៗ តើមានបានធ្វើការផ្ទេរ ដោយគោរពទៅតាមនីតិវិធីកំណត់ដោយច្បាប់ដែរឬទេ។ ការផ្ទៀងផ្ទាត់បែបនេះ ដើម្បីឲ្យប្រាកដថាបានធ្វើឡើងដោយស្របច្បាប់ ព្រោះជួនកាលអ្នកលក់ផ្ទះឲ្យយើង គាត់អាចជាអ្នកជួលផ្ទះនេះប៉ុណ្ណោះ ដូច្នេះជៀសវាងមានម្ចាស់ពីរ-បី មកឈ្លោះដណ្ដើមគ្នាទៅថ្ងៃក្រោយ។
៤/ ទីតាំង៖ ពិនិត្យថាជាទីតាំងប្រកបដោយប្រព័ន្ធសុវត្ថិភាពឬទេ? នៅពេលមានបញ្ហាអគ្គីភ័យ តើឡានទឹកអាចចូលតាមតំបន់នេះបានងាយឬទេ? អ្នកទិញក៏គួរពិនិត្យលើប្រព័ន្ធលូ ប្រព័ន្ធទឹកផងដែរ។
អត្ថបទ៖ លឹម សុនា