អណ្ដើកយក្សចាស់បំផុតជិត២០០ឆ្នាំ បានងូតទឹកជាលើកដំបូង
- 2016-03-27 21:42:45
- ចំនួនមតិ 0 | ចំនួនចែករំលែក 0
អណ្ដើកយក្សចាស់បំផុតជិត២០០ឆ្នាំ បានងូតទឹកជាលើកដំបូង
ចន្លោះមិនឃើញ
Jonathan ជាអណ្ដើកយក្សមានអាយុចាស់ជាងគេបំផុតលើផែនដីគឺ ១៨៤ឆ្នាំ ត្រូវបានអ្នកមើលថែដុសលាងសម្អាតជាលើកដំបូង ក្រោយស្នូកជាប់ស្អិតដោយក្អែលគ្រាមរាប់ទសវត្ស។ បុរសអ្នកមើលថែ បានប្រើសាប៊ូដុះ ជាមួយច្រាស់ទន់ៗ ដោយប្រើពេលយ៉ាងយូរ។
អណ្ដើកប្រវែង ១,១៤ម៉ែត្រ កម្ពស់៦០សង់ទីម៉ែត្រនេះ ត្រូវបានគេប្រទះឃើញលើកោះ St Helena របស់ចក្រភពអង់គ្លេស ស្ថិតនៅភាគខាងត្បូងមហាសមុទ្រអាត្លង់ទិចកាលពីសតវត្សទី ១៩។
គ្រូពេទ្យសត្វលោកវេជ្ជបណ្ឌិត Joe Hollins និយាយថា ការលាងសម្អាតខ្លួនអណ្ដើកលើកទីមួយនេះធ្វើឡើង ដោយសារខាងរាជវង្សអង់គ្លេសមួយអង្គនឹងចុះទៅជួបអណ្ដើកនៅពេលខាងមុខឆាប់ៗ។ Jonathan ជាប់ជាសត្វនៅរស់ចាស់ជាងគេបំផុតលើផែនដី ក្រោយអណ្ដើកអាយុ១៧៥ឆ្នាំ នៅអូស្ត្រាលីងាប់កាលឆ្នាំ ២០០៥កន្លងទៅ។
ក្នុងអំឡុងជីវិតរស់នៅរបស់សត្វអណ្ដើកឈ្មោលខាងលើ វាបានឆ្លងកាត់រយៈពេលស្ដេចអង់គ្លេសកាន់អំណាច ៨អង្គ រាប់ចាប់តាំងពី George IV ដល់ Elizabeth II រួមនឹងនាយករដ្ឋមន្ត្រី ៥១រូបផងដែរ៕
ចុចអាន៖ អ្នកវិទ្យាសាស្ត្ររកឃើញអណ្ដើកសមុទ្រមានពន្លឺពណ៌បៃតង និងក្រហម
ចុចអាន៖ កន្ធាយសមុទ្រលើកគ្នាឡើងគោក ក្រោយអ្នកទេសចរសម្រុកទៅលេង
ចុចអាន៖ រកឃើញ “កន្ធាយក្បាលកង្កែប” ដែលជិតដាច់ពូជ នៅវត្តសសរ ១០០ ខេត្តក្រចេះ
ចុចអាន៖ វៀតណាមភ័យខ្លាចមានប្រផ្នូលមិនល្អ ក្រោយការស្លាប់របស់អណ្ដើកកម្រ
ប្រែសម្រួល៖ ឡេង ភារុណ ប្រភព៖ Asiantown
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
