ប្រាក់ ៥ម៉ឺនដុល្លារបានពី Cambo-All Stars និង Buriram នឹងយកជូនគន្ធបុប្ផាថ្ងៃទី៣១នេះ
- 2016-03-29 18:00:06
- ចំនួនមតិ 0 | ចំនួនចែករំលែក 0
ប្រាក់ ៥ម៉ឺនដុល្លារបានពី Cambo-All Stars និង Buriram នឹងយកជូនគន្ធបុប្ផាថ្ងៃទី៣១នេះ
ចន្លោះមិនឃើញ
សហព័ន្ធបាល់ទាត់កម្ពុជានឹងយកប្រាក់៥ម៉ឺនដុល្លារដែលបានពីការប្រកួតរវាងក្រុម Cambodia All Stars និង Buriram United ឱ្យទៅមន្ទីរពេទ្យគន្ធបុប្ផានៅថ្ងៃទី៣១ខែមីនាឆ្នាំ២០១៦នេះ វេលាម៉ោង១០ព្រឹក។
ក្រុម Buriram United បានមកប្រកួតមិត្តភាពជាមួយក្រុម Cambodia All Stars នៅពហុកីឡដ្ឋានជាតិ កាលពីថ្ងៃទី២៣ខែមករាកន្លងទៅ។ ជាលទ្ធផលក្រុមទាំងពីរបានបញ្ចប់ទៅស្មើគ្នា ២-២ ក្នុងការប្រកួត ៩០នាទីពេញ។ ខណៈដែលការស៊ុតបាល់ប៉េណាល់ទីកាត់សេចក្ដី ក្រុមកម្ពុជា Cambodia All Stars ជាអ្នកឈ្នះដោយគ្រាប់បាល់ ៤-៣។ សរុបគ្រាប់បាល់ ក្រុមកម្ពុជា Cambodia All Stars ឈ្នះក្រុម Buriram United ៦-៥ ដែលធ្វើឲ្យក្រុមជើងឯកថៃនេះស្គាល់បរាជ័យលើទឹកដីកម្ពុជា។
មន្ទីរពេទ្យចិត្តធម៌សង្គ្រោះកុមារកម្ពុជាជាង ២០ឆ្នាំមកនេះធ្លាប់បានដង្ហើយរកជំនួយពីគ្រប់ទិសទីបន្ទាប់ពីជួប វិបត្តិក្នុងការចំណាយលើសលប់។ របាយការណ៍របស់គន្ធបុប្ផា ដដែលឲ្យដឹងថា ក្នុងមួយថ្ងៃៗ ខ្លួនចំណាយមិនតិចជាង ១២ម៉ឺនដុល្លារទេ ក្នុងការផ្ដល់ការព្យាបាល និងថ្នាំសង្កូវដល់កុមារក្រីក្រកម្ពុជា។
កាលពីឆ្នាំ២០១៤ គន្ធបុប្ផាចំណាយខ្ទង់៤០លានដុល្លារអាមេរិក និង ៤៤លានដុល្លារកាលពីឆ្នាំ ២០១៥។ ទឹកប្រាក់នេះ ស្ថាបនិកគន្ធបុប្ផា លោកវេជ្ជបណ្ឌិត វេអាត រីចឆ្នឺរ បញ្ជាក់ថា បានសង្គ្រោះកុមារជិត ៧០ម៉ឺននាក់កាលពីឆ្នាំ ២០១៤៕
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
