បទថ្មី One Direction ទើបចេញយប់មិញ មានអ្នកចូលមើលជាង ៣លានដងបាត់
- 2014-10-25 17:06:14
- ចំនួនមតិ 0 | ចំនួនចែករំលែក 0
បទថ្មី One Direction ទើបចេញយប់មិញ មានអ្នកចូលមើលជាង ៣លានដងបាត់
ចន្លោះមិនឃើញ
ក្រុមចម្រៀងបុរសអង់គ្លេស One Direction បានចេញវីដេអូចម្រៀងថ្មីមួយកាលពីយប់មិញនេះ សម្រាប់បទ "Steal My Girl” ដែលក្នុងរយៈពេលមិនទាន់បានមួយថ្ងៃផង វីដេអូនេះមានអ្នកចូលទស្សនាជាង ៣,៥លានដង។
“Steal My Girl” គឺជាបទថ្មីពីអាល់ប៊ុមទី៤របស់ 1D គឺអាល់ប៊ុម "Four” ដែលនឹងចេញលក់នៅថ្ងៃទី១៧ ខែវិច្ឆិកា ខាងមុខនេះ។ តាមរយៈវីដេអូបទថ្មីនេះ One Direction បានធ្វើឲ្យសមុទ្រខ្សាច់ដែលមានតែភាពសោះកក្រោះ ក្លាយជាទីកន្លែងដ៏រីករាយ ជាមួយក្រុមកីឡាករ Sumo ក្រុមតន្ត្រី ក្រុមរបាំ ក្រុមសៀក និងសត្វមួយចំនួន។
ស្របជាមួយការចេញអាល់ប៊ុមថ្មីនេះ One Direction ទើបតែប្រកាសកាលបរិច្ឆេទសម្រាប់ការប្រគំតន្ត្រីទេសចរណ៍ពិភពលោករបស់ពួកគេនៅឆ្នាំ២០១៥ ដែលនឹងចាប់ផ្ដើមពីរដ្ឋធានី Vienna នៃប្រទេសអូទ្រីសនៅថ្ងៃទី១០ ខែមិថុនា ហើយនឹងបន្តទៅអាមេរិកខាងជើងនៅថ្ងៃទី៩ ខែកក្កដា ឆ្នាំក្រោយ។
http://youtu.be/UpsKGvPjAgw
អានអត្ថបទ៖មើលប្រវត្តិក្រុម One Direction មុនការសម្ដែងពួកគេមកដល់កម្ពុជា
ប្រែសម្រួល៖ វ៉ាន់ថន ប្រភព៖ billboard