យុវតីកើតមហារីក ស្លាប់ក្នុងរង្វង់ដៃមិត្តប្រុស ប្រាថ្នាចាប់ជាតិជាកូនស្រី

2016-03-31 17:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យ២១ឆ្នាំម្នាក់មកពីខេត្ត Guizhou ប្រទេសចិនដែលកើតជំងឺមហារីកឆ្អឹងបានស្លាប់លើរង្វង់ដៃមិត្តប្រុសរបស់ខ្លួន ដោយបាននិយាយពាក្យចុងក្រោយថា សង្ឃឹមបានចាប់ជាតិជាកូនស្រីរបស់មិត្តប្រុស។

តាមសារព័ត៌មាន Guangdong កញ្ញា Xiao Yi ត្រូវបានពិនិត្យរកឃើញថាកើតមានជំងឺមហារីកឆ្អឹងតាំងពី៦ឆ្នាំកន្លងទៅ គឺនៅពេលដែលនាងមានអាយុ១៤ឆ្នាំ។ នាងត្រូវបានគ្រូពេទ្យកាត់ជើងឆ្វេងចេញអំឡុងពេលព្យាបាល។

Xiao Yi និងមិត្តប្រុសវ័យ២០ឆ្នាំរបស់នាងបានស្គាល់គ្នាអស់រយៈពេល៤ឆ្នាំមកហើយ និងបានចាប់ផ្ដើមមានទំនាក់ទំនងស្នេហាកាលពីពីរឆ្នាំមុន។ តែជាអកុសល កាលពីខែតុលាកន្លងទៅ ក្រុមគ្រូពេទ្យបានប្រាប់ Xiao Yi ថាជំងឺមហារីកឆ្អឹងរបស់នាងបានដល់ដំណាក់កាលចុងក្រោយ ដូចនោះនាងក៏សម្រេចចិត្តឈប់ទៅព្យាបាល។

ពេលដឹងថាមិត្តស្រីខ្លួនដល់ដំណាក់កាលចុងក្រោយមិនអាចព្យាបាលបានតទៅទៀត Xiao Fu ដែលជាមិត្តប្រុសនៅតែរង់ចាំបម្រើមើលថែមិត្តស្រីដោយយកចិត្តទុកដាក់ ហើយនាដើមខែមិនានេះ Xiao Fu បានទៅថតរូបអាពាហ៍ពិពាហ៍ជាមួយXiao Yi ទៀតផង ដើម្បីបំពេញក្ដីប្រាថ្នារបស់នាង។

២០ថ្ងៃក្រោយXiao Yi បានឃ្លាតឆ្ងាយពីមិត្តប្រុសរបស់នាងនៅថ្ងៃចន្ទកន្លងទៅនេះ។ ពាក្យចុងក្រោយនាងបាននិយាយថា៖ "អូនសង្ឃឹមថាបងអាចរកនារីល្អម្នាក់ ហើយអូនសង្ឃឹមថានឹងអាចវិលវិញក្លាយជាកូនស្រីរបស់បង"៕