សម្ដីសំខាន់ៗរបស់យុវតី១៧ឆ្នាំ Malala ម្ចាស់ណូបែលសន្តិភាពក្មេងជាងគេ
- 2014-10-25 18:13:30
- ចំនួនមតិ 0 | ចំនួនចែករំលែក 0
សម្ដីសំខាន់ៗរបស់យុវតី១៧ឆ្នាំ Malala ម្ចាស់ណូបែលសន្តិភាពក្មេងជាងគេ
ចន្លោះមិនឃើញ
Malala Yousafzai ជាសកម្មជនទ្រទ្រង់សិទ្ធិមនុស្ស ដើម្បីការសិក្សា នៅក្នុងស្រុក Swat ខេត្ត Khyber Pakhtunkhwa ភាគខាងលិចឆៀងខាងជើង ប្រទេសប៉ាគីស្ថាន ជាកន្លែងពួកតាលីបង់ ហាមមិនឱ្យស្ត្រីចូលសាលា។ Malala ជាក្មេងស្រីក្លាហាន និងក្មេងបំផុត របស់ប៉ាគីស្ថាន ដែលឈ្នះពានណូបែលសន្តិភាព ក្នុងឆ្នាំ២០១៤នេះ។
ជាអកុសលនៅថ្ងៃទី៩ ខែតុលា ឆ្នាំ ២០១២ ពេលទៅសាលា នាងត្រូវខ្មាន់កាំភ្លើងសួរឈ្មោះ ហើយបាញ់ចំក្បាល។ តែសំណាងល្អ នាងត្រូវបានគេសង្គ្រោះទាន់ពេល។ តាំងពីពេលចាប់ផ្ដើម ជាសកម្មជនមក Malala Yousafzai បានបន្សល់ទុកនូវសម្រង់សម្ដីជាច្រើន ហើយខាងក្រោមនេះ ជាសម្ដីខ្លះៗរបស់នាង ប្រាប់ទៅកាន់ពិភពលោក និងពួកតាលីបង់។
Yousafzai
“ខ្ញុំមានសុបិនអាក្រក់មួយកាលពីម្សិលមិញ ជាមួយយន្តហោះយោធា និងពួកតាលីបង់។ ខ្ញុំមានសុបិននេះ ចាប់តាំងពីការបង្ហាញកិច្ចសហប្រតិបត្តិការយោធាក្នុងស្រុក Swat។ ម្ដាយខ្ញុំធ្វើអាហារពេលព្រឹកឱ្យខ្ញុំ ហើយខ្ញុំចេញទៅសាលា។ ពេលទៅសាលា ខ្ញុំភ័យណាស់ ព្រោះពួកតាលីបង់ បានប្រកាសហាមមិនឱ្យស្ត្រីចូលរៀនទេ"។
"មានសិស្ស១១នាក់ប៉ុណ្ណោះ ក្នុងចំណោម២៧នាក់ ហ៊ានចូលរៀន។ ចំនួនសិស្សធ្លាក់ចុះព្រោះ តែបទបញ្ជារបស់ពួកតាលីបង់។ មិត្តបីនាក់របស់ខ្ញុំ ផ្លាស់ប្ដូរទីកន្លែងទៅ Peshawar, Lahore និង Rawalpindi ជាមួយគ្រួសារពួកគេ ក្រោយឃើញបញ្ជានេះ"។ សម្ដីរបស់ Malala Yousafzai ក្នុងរឿងកំណត់ហេតុសិស្សស្រីប៉ាគីស្ថាន របស់ BBC កាលពីថ្ងៃទី៣ ខែ មករា ឆ្នាំ២០០៩។
“ខ្ញុំមានក្ដីសង្ឃឹមថ្មីមួយ...ខ្ញុំត្រូវតែក្លាយជាអ្នកនយោបាយម្នាក់ ដើម្បីជួយប្រទេសនេះ។ មានវិបត្តិច្រើនណាស់ក្នុងប្រទេសរបស់យើង។ ខ្ញុំចង់លុបបំបាត់វិបត្តិអស់ទាំងនេះ"។ សម្ដីរបស់ Malala Yousafzai ក្នុងឯកសាររឿង Class Dismissed និពន្ធដោយ Adam B. Ellick ឆ្នាំ២០០៩។
“ការបញ្ចុះបញ្ចូលឱ្យជឿលើសង្គមនិយម គឺជាចម្លើយតែមួយគត់ ហើយខ្ញុំនឹងជំរុញមិត្តភ័ក្ដិ ធ្វើការតស៊ូ រហូតបានជោគជ័យ ។ មានតែធ្វើបែបនេះទេ ដែលធ្វើឱ្យយើងដោះខ្លួនចេញពីច្រវាក់ឆ្កួតនៃសាសនា និងការកេងប្រវ័ញ្ចបាន"។ សាររបស់ Malala Yousafzai ទៅកាន់សភាលើកទី៣២របស់ប៉ាគីស្ថាន ថ្ងៃទី១០ ខែ មីនា ឆ្នាំ២០១៣ ។
Yousafzai បង្ហាញការព្រួយបារម្ភរបស់នាង ទៅកាន់លោក បារ៉ាក់ អូបាម៉ា
“ខ្ញុំតែងគិតធ្វើបែបនេះជារឿយៗ ហើយស្រមៃឃើញយ៉ាងច្បាស់។ ទោះបីពួកគេមកសម្លាប់ខ្ញុំ ខ្ញុំនឹងប្រាប់ពួកគេថា អ្វីដែលពួកគេធ្វើគឺខុស។ ការសិក្សាអប់រំ ជាមូលដ្ឋានគ្រឹះរបស់យើង"។ ការប្រឈមរបស់ Malala Yousafzai ជាមួយពួកឧទ្ទាមតាលីបង់ ហើយត្រូវពួកនេះបាញ់ចំក្បាល នៅថ្ងៃ៩ តុលា ឆ្នាំ២០១២។
“ប្រពៃណីមិនមែនគេបញ្ជូនពីឋានសួគ៌ និងព្រះជាម្ចាស់ទេ។ ប៉ុន្តែវាជាអ្វីដែលយើងជាអ្នកបង្កើត ហើយយើងមានសិទ្ធិផ្លាស់ប្ដូរវា ហើយពួកយើងគួរតែដូរវា"។ Yousafzai នៅឯកិច្ចប្រជុំកំពូលស្ត្រីក្នុងទីក្រុងឡុងដុង ក្នុងខែកក្កដា ឆ្នាំ២០១៤។
“ជនរងគ្រោះស្លូតត្រង់ជាច្រើន ត្រូវបានសម្លាប់ក្នុងអំពើទាំងនេះ ហើយពួកគេមានការអាក់អន់ចិត្តចំពោះប្រជាជនប៉ាគីស្ថាន។ បើសិនយើងផ្ដោតធ្ងន់លើការសិក្សា វានឹងមានផលប៉ះទង្គិចគ្នាដ៏ធំមួយ"។ Yousafzai បង្ហាញការព្រួយបារម្ភរបស់នាង ទៅកាន់លោក បារ៉ាក់ អូបាម៉ា ដែលថាការវាយប្រហារតាមយន្តហោះគ្មានមនុស្សបើក កំពុងបង្កភេរវកម្ម កាលពីថ្ងៃទី១១ ខែ តុលា ឆ្នាំ២០១៣៕
ប្រវត្តិពានរង្វាន់ណូបែលអន្តរជាតិ ដែលមនុស្សគ្រប់រូបតែងស្រមៃចង់បាន
នារីវ័យក្មេងបំផុតក្នុងប្រវត្តិសាស្ត្រ ទទួលបានពានរង្វាន់ណូបែលសន្តិភាព
បុគ្គលឆ្នើមពីររូបគត់នៅអាស៊ាន ជាម្ចាស់ពានរង្វាន់ណូបែលសន្តិភាព
ប្រែសម្រួល៖ អ៊ុំ សុភក្តិ
ប្រភព៖ បរទេស