ប៉ូលិស ប៉ះ Albirex Niigata PP រសៀលនេះនៅស្តាតចាស់

2014-10-25 18:41:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់អគ្គស្នងការនគរបាលជាតិ (ប៉ូលិស) នឹងត្រូវសាកជើងជាមួយក្រុមដែលមានអ្នកចាត់ការជាជនជាតិជប៉ុន Albirex Niigata PP នាម៉ោង២នេះ នៅកីឡដ្ឋានកងយោធពលខេមរភូមិន្ទ (ស្តាតចាស់) ក្នុងការប្រកួតមិត្តភាពកម្ដៅសាច់ដុំ។

បើតាមព័ត៌មានពីក្រុមប៉ូលិសបានឲ្យដឹងថា ក្រុមមួយនេះនៅជុំជើងគ្នាទាំងអស់ ដោយពុំមានកីឡាករ ឬគ្រូបង្វឹករូបណាចាកចេញនោះទេ ហើយក្រុមក៏កំពុងធ្វើតេស្តសមត្ថភាពកីឡាករថ្មីៗមួយចំនួនបន្ថែមទៀត ដើម្បីជួយក្រុមនាពេលខាងមុខ។ ប្រកួតនេះកាន់តែសំខាន់សម្រាប់ប៉ូលិស ដើម្បីស្វែងរកចំណុចខ្វះខាតមុនពេលធ្វើដំណើរទៅប្រកួតពានរង្វាន់ប៉ូលិសអាស៊ាននៅប្រទេសវៀតណាម។

ក្រុមប៉ូលិស

ដោយឡែក Albirex វិញក៏កំពុងសមជើងយ៉ាងសកម្មណាស់ដែរ ដើម្បីឲ្យការត្រៀមខ្លួនលេងវគ្គជម្រុះដណ្ដើមកៅអីលីករដូវកាលក្រោយកាន់តែមានទំនុកចិត្តខ្ពស់។ បច្ចុប្បន្នក្រុមមួយនេះក៏កំពុងធ្វើតេស្តកីឡាករក្នុងស្រុកមួយចំនួនធំផងដែរ ហើយប្រហែលជាមួយខែទៀតនឹងបង្ហាញវត្តមានអ្នកទាំងនោះជាផ្លូវការ។ ចំពោះកីឡាករបរទេសវិញ អ្នកចាត់ការក្រុមបានប្រាប់ថានឹងស្វែងរកកីឡាករបន្ថែមទៀត ប្រសិនបើក្រុមមួយនេះអាចឡើងមកលេងលីករដូវកាលក្រោយបាន។