ដើរលេងយ៉ាងម៉េច សប្បាយ ហើយអស់លុយតិច ?

2016-04-01 23:22:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលមានពិធីបុណ្យទានម្ដងៗ គេសង្កេតឃើញប្រជាពលរដ្ឋខ្មែរភាគច្រើននិយមដើរកម្សាន្តទៅទីជិត ឬ ឆ្ងាយ ទៅតាមធនធាន និងពេលវេលា។ ពិធីបុណ្យចូលឆ្នាំខ្មែរជិត ឈានចូលមកដល់ហើយ ក្រៅពីធ្វើដំណើរទៅស្រុកកំណើតជួបជុំគ្រួសារបងប្អូនញាតិមិត្ត តើប្រិយមិត្តមានគម្រោងដើរកម្សាន្តទៅទីណាខ្លះ? ចង់ដឹងអត់ ដើរលេងយ៉ាងម៉េចឲ្យសប្បាយ ហើយអស់លុយតិច?

កញ្ញាឌីជាបុគ្គលិកនៅធនាគារមួយបានចែកបទពិសោធន៍ថា បើសិនជាមិនចង់អស់លុយ ច្រើន ដើរលេងគួរតែខ្ចប់អាហារតាមរបៀបតិកនិក អង្គុយញុំាក្រោមដើមឈើ ក្បែរវាលស្រែ ឬ មាត់សមុទ្រ ជាការដើរលេងរបៀបមើលធម្មជាតិ។

ដោយឡែក បុគ្គលិកអង្គការក្រៅរដ្ឋាភិបាលម្នាក់ទៀតប្រាប់ថា ដំបូងត្រូវគិតពីទីតាំង ដែលត្រូវទៅ ហើយប្រសិនបើដើរលេងក្នុងស្រុកលក្ខណៈមិត្តរួមក្រុម ត្រូវប្រមូលលុយដាក់ចូលគ្នាជាមុន។ « យើងចាត់ចែងនរណាម្នាក់ក្នុងក្រុមឲ្យកាន់លុយថ្លៃចំណាយ ផ្សេងៗ និងម្នាក់ទៀតជាអ្នកបង្កើតកម្មវិធីផ្សេងៗតាមចំណង់» សូហេង បញ្ជាក់។

តែបើដើរលេងក្រៅស្រុក ចង់អស់លុយតិច អ្នកមានបទពិសោធដើរលេងក្រៅ ប្រទេសរូបនេះផ្ដល់យោបល់ឲ្យជិះឡានតាក់ស៊ីឬឡានក្រុង ដើម្បីអាចឈប់ដើរលេងតាមកន្លែងដែលយើងចង់ទៅថែមទាំងអាចភ្លក់មុខម្ហូបប្លែកៗ តែសុហេងប្រាប់ថា កុំចូលហាងទិញទំនិញច្រើនពេក ។

ឆ្លើយតបនឹងសំណួរដូចគ្នានេះដែរ លោក ទូច ហាក់ អ្នករៀបចំដំណើរកម្សាន្ត នៃ ក្រុមហ៊ុនទេសចរណ៍ ICGបានណែនាំយ៉ាងខ្លីថា ដើរលេងចំណេញ គឺត្រូវដើរជាក្រុម ។ ទោះដើរលេងតាមការរៀបចំរបស់ក្រុមហ៊ុនទេសចរណ៍ ឬឯកជនក្ដី គួរដើរលេងគ្នាច្រើន ព្រោះបានជុំគ្នា មានភាពសប្បាយរីករាយ ថែមទាំងមានអនុស្សាវរីយ៍ច្រើន «គ្នាច្រើនអាចជួយរំលែកការចំណាយ មានសុវត្ថិភាព អាចថតរូបជុំគ្នា ឬ លេងល្បែងកម្សាន្តផ្សេង» អ្នកជំនាញលើវិស័យទេសចរណ៍រូបនេះ បន្ថែម ។

លោកក៏បានណែនាំដល់អ្នកដែលចង់ដើរកម្សាន្តផ្លូវឆ្ងាយនៅថ្ងៃបុណ្យចូលឆ្នាំខ្មែរខាងមុខនេះថាគួរមានការរៀបចំគម្រោងទុកជាមុនឲ្យបានយ៉ាងហោចណាស់ ២សប្តាហ៍ ដើម្បីកក់សណ្ឋាគារ ឬ ផ្ទះសំណាក់ បើមិនដូច្នេះទេច្បាស់ជាថ្លៃ ហើយថែមទាំងមិនមានកន្លែងស្នាក់នៅទៀត ។ ប្រិយមិត្តយល់ស្របនឹងការលើកឡើងខាងលើនេះទេ? ហើយចូលឆ្នាំខ្មែរខាងមុខនេះ មានគម្រោងដើរកម្សាន្តទីណាខ្លះ?

អត្ថបទ៖ លីដា

ពាក្យទាក់ទង

ទស្សនៈយុវវ័យ តំបន់ទេសចរណ៍ក្នុងស្រុក

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

អត្ថបទថ្មី

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ